पिंपरी-चिंचवड महानगरपालिका ही कधीतरी आशिया खंडातील श्रीमंत महानगरपालिका म्हणून ओळखली जायची:- अजित पवार

पुणे दि.१२:- पिंपरी-चिंचवड महानगरपालिका ही कधीतरी आशिया खंडातील श्रीमंत महानगरपालिका म्हणून ओळखली जायची. आमच्या कार्यकाळात भ्रष्टाचाराला थारा दिला नाही, नागरिकांच्या मूलभूत गरजांना प्राधान्य दिलं आणि स्मशानभूमी, दफनभूमी, रस्ते, पूल, उद्योग-धंदे उभे करून विकास करून दाखवला. पण २०१७ नंतरच्या काळात शहराची दिशा भरकटली. प्रचंड भ्रष्टाचार, बोगस कामकाज, वाढतं प्रदूषण, ट्रॅफिकची कोंडी, खड्ड्यांचं साम्राज्य आणि कायदा-सुव्यवस्थेचा बिघाड शहराला पोखरून काढत आहे. पिंपरी-चिंचवड महानगर पालिका सार्वत्रिक निवडणूक २०२६ च्या पार्श्वभूमीवर राष्ट्रवादी काँग्रेसचे प्रभाग क्र. २ मधील अधिकृत उमेदवार श्री. आल्हाट रूपाली परशुराम, श्रीम. अश्विनी संतोष जाधव, श्री. विशाल विलास आहेर, श्री.वसंत प्रभाकर बोराटे तसंच प्रभाग क्र. ३ मधील अधिकृत उमेदवार सौ. अनुराधा दीपक साळुंके, श्री. प्रकाश बबन आल्हाट, सौ. पुनम अमित तापकीर, श्री. लक्ष्मणशेठ सोपानराव सस्ते पा. यांच्या प्रचारार्थ आयोजित जाहीर सभेत उपस्थित पदाधिकारी, कार्यकर्ते व नागरिकांना संबोधित केलं.आज शहरावर कर्जाचा बोजा आहे, मोशी-चिखलीसारखे भाग अजूनही विकासाच्या प्रतीक्षेत आहेत आणि अल्पवयीन गुन्हेगारीनं दहशत निर्माण केली आहे. हे चित्र बदलायचं असेल तर प्रामाणिक काम करणाऱ्या आणि महापुरुषांच्या विचारधारेनं चालणाऱ्या लोकांच्या हातात सत्ता द्यावी लागेल.शिव-शाहू-फुले-आंबेडकरांच्या विचारांवर चालून, सर्व जाती-धर्माचा सन्मान राखून आम्ही कामं केली. आता आम्ही जाहीर केलेल्या सुधारणा करून दाखवणार. दररोज नळाद्वारे पाणी आणि टँकर माफियाला पूर्णविराम, ट्रॅफिक व खड्डेमुक्त पिंपरी-चिंचवड, नियमित व पारदर्शक स्वच्छता व्यवस्था, हायटेक आरोग्य सुविधा आणि PMPML व मेट्रोसह मोफत आणि सुलभ सार्वजनिक वाहतूक, पारदर्शक टेंडर प्रक्रिया, स्वच्छ कारभार आणि नियोजनबद्ध विकासातून पिंपरी-चिंचवडला पुन्हा एकदा ‘बेस्ट शहर’ म्हणून नावलौकिक मिळवून द्यायचं आहे. त्याकरता येत्या १५ जानेवारीला प्रभाग क्र. २ आणि ३ मधील राष्ट्रवादी काँग्रेस पक्षाच्या उमेदवारांना मोठ्या मताधिक्यानं निवडून द्या, असं आवाहन नागरिकांना केलं.