आण्यात शासन आपल्या दारी कार्यक्रमात १०५ विद्यार्थ्यांना प्रमाणपत्रांचे वाटप 

आणे दि.१९:- जुन्नर-आंबेगावचे प्रांताधिकारी गोविंद शिंदे यांच्या प्रमुख उपस्थितीत शासन आपल्या दारी कार्यक्रमाचे आयोजन करण्यात आले होते.या कार्यक्रमाला उत्तम प्रतिसाद मिळाला.

श्री क्षेत्र आणे (ता.जुन्नर) येथील श्रीरंगदास स्वामी महाराज मंदिर हॉलमध्ये झालेल्या कार्यक्रमात सरदार पटेल हायस्कूल आणे च्या १०५ विद्यार्थ्यांना डोमिसाईल प्रमाणपत्रांचे वाटप करण्यात आले अशी माहिती विद्यालयाचे मुख्याध्यापक धोंडिभाऊ शिंदे यांनी दिली.

 याप्रसंगी जुन्नरचे तहसिलदार रविंद्र सबनीस, गटविकास अधिकारी शरदचंद्र माळी,आळेफाटा पोलिस स्टेशनचे पोलीस निरिक्षक यशवंत नलावडे यांनी विद्यार्थ्यांना मार्गदर्शन केले.

याप्रसंगी देवस्थान ट्रस्टचे अध्यक्ष मधुकर दाते,माजी अध्यक्ष विनायक आहेर,आणे गावच्या सरपंच प्रियंका दाते,नळवणे गावच्या सरपंच अर्चना उबाळे, पेमदरा गावच्या सरपंच जयश्री गाडेकर, शिंदेवाडी गावचे सरपंच अजित शिंदे,माजी सरपंच एम.डी.पाटील शिंदे,पेमदरा गावचे माजी सरपंच रंगनाथ बेलकर,पेमदरा गावचे उपसरपंच बाळासाहेब दाते,आणे गावचे उपसरपंच सुहास आहेर,माजी उपसरपंच भास्कर आहेर, मंडलाधिकारी,तलाठी, ग्रामसेवक आदी मान्यवर उपस्थित होते.