बाबुरावजी घोलप महाविद्यालयाचा वार्षिक पारितोषिक वितरण समारंभ संपन्न

पुणे दि.६:- पुणे जिल्हा शिक्षण मंडळाचे सांगवी येथील बाबुरावजी घोलप महाविद्यालयाचे शैक्षणिक वर्ष २०२४-२५

मधील वार्षिक पारितोषिक वितरण समारंभ व स्नेहसंमेलन पिंपरी चिंचवड महानगरपालिकेच्या सांगवी येथील निळू फुले नाट्यगृहामध्ये मोठ्या उत्साहपूर्ण वातावरणामध्ये संपन्न झाले. सावित्रीबाई फुले पुणे विद्यापीठाचे प्र – कुलगुरू डॉ. पराग काळकर व सावित्रीबाई फुले पुणे विद्यापीठाच्या व्यवस्थापन परिषद सदस्या व महाविद्यालयाच्या प्राचार्या डॉ. संगीता जगताप यांच्या हस्ते या समारंभाचे उद्घाटन झाले. याप्रसंगी महाराष्ट्र केसरी मा. पृथ्वीराज मोहोळ व प्रसिद्ध सिने अभिनेत्री स्वराज्य रक्षक संभाजी फेम – राणू अक्का अश्विनी महांगडे यांची उपस्थिती आकर्षणाचा केंद्रबिंदू होती. शैक्षणिक वर्ष २०२४-२५ मध्ये शैक्षणिक, क्रीडा, संशोधन, प्रशासकिय कामे व सांस्कृतिक या विविध क्षेत्रात यश संपादन केलेल्या महाविद्यालयातील विद्यार्थी, प्रशासकिय सेवक या सर्वांचे अभिनंदन व कौतुक करण्यासाठी या समारंभाचे नियोजन असल्याचे स्पष्ट करत चालू शैक्षणिक वर्षामध्ये झालेल्या कार्याचा आढावा घेतला.या वार्षिक पारितोषिक वितरण समारंभामध्ये महाविद्यालयातील विद्यार्थ्यांनी विविध क्षेत्रामध्ये राज्य, राष्ट्रीय व आंतरराष्ट्रीय पातळीवर केलेल्या उल्लेखनीय कार्याबद्दल महाविद्यालयाच्या वतीने त्यांचा सन्मान करण्यात आला. तसेच महाविद्यालयातील प्राध्यापकांनी विविध राष्ट्रीय व आंतरराष्ट्रीय चर्चासत्र, कार्यशाळा यामध्ये सादर केलेल्या शोधनिबंधांचे पुस्तक स्वरूपामध्ये प्रकाशन करण्यात आले. यावेळी ‘बेस्ट नॉन टीचींग ऑफ द इयर’ या पुरस्काराने पुरुष गटातून रामदास चिंचवडे यांचा सन्मान करण्यात आला. गेले अठरा वर्ष या महाविद्यालयात प्रशासकीय सेवेत आहे या कालावधीत महाविद्यालयाच्या प्रशासनामध्ये आपल्या कामाने ठसा उमटविला.