दादाभाऊ मुलमुले यांची शालेय व्यवस्थापन समिती अध्यक्षपदी निवड

1 min read

बेल्हे दि.३०:- जिल्हा परिषद प्राथमिक शाळा बेल्हे नंबर -१ (ता.जुन्नर) शाळेच्या शालेय व्यवस्थापन समितीच्या अध्यक्षपदी दादाभाऊ शांताराम मुलमुले यांची सर्वानुमते निवड करण्यात आली. मावळते अध्यक्ष सुप्रिया बांगर यांनी आदर्शवत काम करत नवीन सदस्यांना अध्यक्षपदाची संधी दिली.

मनोगत व्यक्त करताना अध्यक्ष दादाभाऊ मुलमुले यांनी शाळेच्या विकास कामासाठी कटिबद्ध राहुन शालेय व्यवस्थापन समितीकडून शाळेला सहकार्य करणार असल्याचे सांगितले. सदस्यपदी राणी पारवे यांची निवड झाल्याबद्दल त्यांचाही सन्मान याप्रसंगी करण्यात आला.गावचे उपसरपंच राजू पिंगट यांनी मनोगत व्यक्त करीत अध्यक्षांना पुढील वाटचालीस शुभेच्छा दिल्या. याप्रसंगी उपाध्यक्ष सोईल बेपारी, सदस्य प्रीतम मुंजाळ, शेखर पिंगट, संतोष पाबळे, इत्यादी सदस्य यावेळी उपस्थित होते. सदस्या वैशाली मटाले, मनीषा बांगर, शितल गुंजाळ, संदीप खोमणे, ईश्वर पिंगट व शिक्षणतज्ञ विलास पिंगट यांनी नवनिर्वाचित अध्यक्षांचे अभिनंदन करत पुढील वाटचालीस शुभेच्छा दिल्या.अध्यक्षपदी निवड झाल्याबद्दल शालेय व्यवस्थापन समिती, शाळेच्या मुख्याध्यापिका मिरा बेलकर, उपशिक्षक हरिदास घोडे, संतोष डुकरे, कविता सहाणे, सुवर्णा गाढवे, प्रविणा नाईकवाडी, योगिता जाधव, सुषमा गाडेकर, अंजना चौरे यांजकडून पुस्तक देऊन नवनिर्वाचित अध्यक्षांचा सन्मान करण्यात आला व पुढील वाटचालीस खूप खूप शुभेच्छा दिल्या.

बातमी शेअर करण्यासाठी येथे क्लिक करा
Website Designed by JCS 8380826758.
बातमी कॉपी करणे कायद्याने गुन्हा आहे