विद्यानिकेतन मध्ये पोलिस व आर्मी जवानाच्या हस्ते ध्वजारोहण

साकोरी दि.१५:- विद्यानिकेतन इंटरनॅशनल अँकॅडमी व पी. एम हायस्कूल व ज्युनिअर कॉलेज, साकोरी (ता.जुन्नर) येथे ७८ वा स्वातंत्र्यदिन मोठ्या उत्साहात साजरा करण्यात आला. या वेळी आसाम इंडीयन आर्मी मध्ये कार्यरत असलेले किरण लोखंडे तसेच राखीव पोलीस दल कुसडगाव अहमदनगर येथे कार्यरत असलेला. विद्यानिकेतन संकुलनातील इयत्ता बारावी कॉमर्स मध्ये शिकलेला माजी विद्यार्थी आदेश गुलाब येवले यांच्या शुभहस्ते ध्वजारोहण संपन्न झाले. या वेळी संकुलातील विद्यार्थ्यांनी परेड, लेझिम, नृत्य व भाषणे असे विविध सांस्कृतिक कार्यक्रम सादर केले. पूर्व प्राथमिक विभागाच्या छोट्या छोट्या बालचमुंनी ज्या क्रांतिकारकांनी देश स्वतंत्र व्हावा या साठी आपल्या देहाचे बलिदान दिले अशा थोर क्रांतिकारकांच्या वेशभूषा साकारल्या होत्या. कार्यक्रमाचे अध्यक्षस्थान पी. एम.साळवे यांनी भूषवले.या कार्यक्रमाचे सूत्रसंचालन प्रा.शेवाळे प्रियांका यांनी केले.तसेच उपशिक्षिका गवारी अश्विनी यांनी कार्यक्रमाचे प्रास्ताविक केले.तर सांस्कृतीक कार्यक्रमांचे नियोजन वर्षा टाव्हरे, नूतन भोर,प्रतिभा गाडगे, कैलास घुले, गणेश शिंदे, विनोद उघडे यांनी केले. भालेराव योगेश आणि यशवंत दाभाडे यांनी आभार व्यक्त करून कार्यक्रमाची सांगता केली.या संपूर्ण कार्यक्रमाच्या वेळी संस्थेचे पी. एम.साळवे. विद्यानिकेतन इंटरनॅशनल अकॅडमी च्या प्राचार्या रुपाली पवार (भालेराव), पी एम हायस्कुल आणि ज्युनिअर कॉलेज चे प्राचार्य रमेश शेवाळे, साकोरी ग्रामस्थ, परिसरातील सर्व नागरिक, विद्यालयाचे माजी विद्यार्थी, सर्व शिक्षक व शिक्षकेतर कर्मचारी आदि उपस्थित होते. शेवटी विद्यालयाच्या वतीने सर्व विद्यार्थ्यांना खाऊ वाटप करण्यात आला.