जिल्हा परिषद प्राथमिक शाळा बेल्हे येथे ढोल ताशांच्या गजरात नवागतांचे स्वागत

1 min read

बेल्हे दि.१६:- जिल्हा परिषद प्राथमिक शाळा बेल्हे नंबर- १ शाळेत इयत्ता १ ली मधील दाखल नवीन विद्यार्थांचे स्वागत समारंभ कार्यक्रमाचे आयोजन करण्यात आले. अशी माहिती मुख्याध्यापिका मिरा बेलकर यांनी दिली.

यामध्ये ढोल ताशांच्या गजरात लेझीम पथकाने प्रभात फेरी काढून नवीन प्रवेशाबाबत जनजागृती केली. विद्यार्थ्यांनी महात्मा फुले ,सावित्रीबाई फुले यांची वेशभूषा करून सहभाग घेतला. शाळेतील सर्व शिक्षकवृंद, पालक, शालेय व्यवस्थापन समिती अध्यक्ष, उपाध्यक्ष सदस्य, ग्रामपंचायत सरपंच, उपसरपंच व सदस्य यांनी यामध्ये सक्रिय सहभाग घेतला.

याप्रसंगी सरपंच मनिषा डावखर, उपसरपंच राजेंद्र पिंगट, पल्लवी भंडारी, शिक्षणतज्ज्ञ विलास पिंगट, यांनी नवीन विद्यार्थ्यांना शुभेच्छा दिल्या. तसेच आगामी वर्षात स्पोकन इंग्रजी चे जादा तास सुरु करणार असल्याचे यावेळी सांगीतले.

शालेय व्यवस्थापन समितीच्या अध्यक्षा सुप्रिया बांगर, उपाध्यक्ष सोहेल बेपारी, ग्रामपंचायत सदस्य किरण गुंजाळ, मंदाकिनी नाईकवाडी, कमल घोडे, नाजीम बेपारी, शालेय व्यवस्थापनचे सदस्य संतोष पाबळे, वैशाली मटाले, मनिषा बांगर, शितल गुंजाळ, पालक प्रीतम मुंजाळ, सागर घोडे इ.मान्यवरांच्या शुभहस्ते इयत्ता पहिली मधील नवीन विद्यार्थांचे गुलाब पुष्प, फुगे व पाठयपुस्तके देऊन स्वागत करण्यात आले.

यावेळी मुलांना गोड जेवण देण्यात आले. शालेय व्यवस्थापनचे सदस्य दादाभाऊ मूलमुले यांचा उत्कृष्ट कामाबद्दल सन्मान करण्यात आला. नवागतांच्या स्वागताचे नियोजन शाळेच्या मुख्याध्यापिका मिरा बेलकर, उपशिक्षक कविता सहाणे, सुवर्णा गाढवे, प्रविणा नाईकवाडी, योगिता जाधव, सुषमा गाडेकर अंजना चौरे यांनी केले.

सूत्रसंचालन संतोष डुकरे यांनी केले व आभार हरिदास घोडे यांनी मानले. ग्रामपंचायत उपसरपंच राजेंद्र बबन पिंगट यांस कडून सर्व विद्यार्थ्यांना बिस्किट वाटप करण्यात आले.

बातमी शेअर करण्यासाठी येथे क्लिक करा
Website Designed by JCS 8380826758.
बातमी कॉपी करणे कायद्याने गुन्हा आहे