जलसंधारणाच्या माध्यमातून जुन्नरला १० कोटींचा निधी : आमदार अतुल बेनके 

जुन्नर दि.२०:- जुन्नर तालुक्यातील २६ साठवण बंधाऱ्यांच्या कामासाठी जलसंधारण विभागाच्या माध्यमातून १० कोटी २४ लक्ष रुपये मंजूर झाल्याची माहिती आमदार अतुल बेनके यांनी दिली.

आमदार अतुल बेनके म्हणाले, तालुक्यातील भुजल पातळीमध्ये वाढ होण्याच्या दृष्टीने साठवण बंधारे बांधण्यासाठी प्रयत्न केले जात आहे. यापूर्वीही जलसंधारण विभागाकडून तालुक्यातील विविध ठिकाणी मोठ्या प्रमाणावर निधी उपलब्ध झालेला आहे.

मुख्यमंत्री एकनाथ शिंदे, उपमुख्यमंत्री अजित पवार, उपमुख्यमंत्री देवेंद्र फडणवीस, जलसंधारण मंत्री संजय राठोड यांच्या माध्यमातून सदर कामांना १० कोटी २४ लक्ष रुपयांचा निधी मंजूर झाला असल्याचे आमदार बेनके यांनी सांगितले.

विविध विकास कामे मंजूर झाली आहे लवकरच निविदा प्रक्रिया पूर्ण करून सदर कामांना सुरुवात केली जाणार असल्याचे आमदार बेनके यांनी सांगितले.