मोठी बातमी! राष्ट्रवादी फुटली; अजित पवार राज्याचे नवे उपमुख्यमंत्री

मुंबई दि २:- विरोधी पक्षनेते अजित पवार राष्ट्रवादीमध्ये गेले काही दिवस नाराज होते. त्याच्यां नाराजीच्या चर्चाणा उधाण आलेले असताना आता अजित पवार राजभवनावर दाखल झाले असून त्यांनी उपुख्यमंत्रीपदाची शपथ घेतली. राष्ट्रवादीच्या ४० आमदारांनी अजित पवारांना पाठिंबा दिला आहे अशी चर्चा आहे.

शिवसेनेनंतर राष्ट्रवादी देखील फोडण्यात भाजपाला यश आले असून राज्याच्या राजकारणात आज पुन्हा एकदा मोठा राजकीय भूकंप झाला आहे. अजित पवार हे शरद पवारांवर नाराज असल्याच्या चर्चा गेल्या काही दिवसांपासून सुरु होत्या. अशात आज अजित पवार शिंदे-फडणवीस सरकारमध्ये शामील होण्याचा निर्णय घेतला आहे. 

तर बावनकुळे यांनी व अजित पवार यांना सर्व आमदारांचा पाठिंबा असल्याचा दावा केला आहे. अजित पवार यांनी पुन्हा एकदा उपमुख्यमंत्रिपदाची शपथ घेतली आहे. आज मंत्रिपदाची शपथ घेतलेल्यांमध्ये छगन चंद्रकांत भुजबळ, दिलीप दत्तात्रय वळसे- पाटील, हसन मियालाल मुश्रीफ, धनंजय पंडितराव मुंडे, धर्मरावबाबा भगवंतराव आत्राम,  आदिती सुनील तटकरे, संजय बाबूराव बनसोडे, अनिल भाईदास पाटील यांनी मंत्रिपदाची शपथ घेतली आहे.

शरद पवार यांनी मात्र यावर अजून कोणतीही प्रतिक्रिया दिलेली नाही. शरद पवारांचे विश्वासू समजले जाणारे अनेक नेत्यांनी अजित पवारांना साथ दिल्यामुळे शरद पवार यांना मोठा धक्का मानला जात आहे.पुढील निवडणुका पंतप्रधान नरेंद्र मोदी यांच्या नेतृतवाखाली राष्ट्रवादी पक्ष लढवणार आहे असे अजित पवार यांनी स्पष्ट केले.