जुन्नर ग्रामपंचायतींची आरक्षण सोडत सोमवारी जाहीर करणार

जुन्नर दि. १६ :- जुन्नर तालुक्यातील नव्याने स्थापन झालेल्या व या वर्षी जानेवारी ते डिसेंबर मध्ये मुदत संपलेल्या ग्रामपंचायत सर्वत्रिक निवडणुकांसाठी सोडत आरक्षण कार्यक्रम जाहीर करण्यात आला असल्याचे पत्र तहसीलदार रवींद्र सबनीस यांनी प्रसिद्ध केले आहे. त्यामुळे जुन्नर तालुक्यात पुन्हा निवडणुकीचा आखाडा तापणार आहे.

जुन्नर तालुक्यातील नारायणगाव ग्रामपंचायत आरक्षण जाहीर करण्यासाठी मुक्ताई मंगल कार्यालय नारायणगाव येथे सोमवारी (दि. १९) सकाळी ११ वाजता विशेष ग्रामसभेचे आयोजन करण्यात आले आहे. शासकीय नियमाप्रमाणे ग्रामपंचायत प्रभाग नुसार चिठ्ठ्या टाकल्या जातील. प्रोसिडिंग तयार करून प्रसिद्ध केले जाईल. त्यानंतर आक्षेप मागवले जातील व करण्यात येईल.

आरक्षण जाहीर तालुक्यातील इतर ग्रामपंचायत आरक्षण सोडत जाहीर करण्यासाठी पाडळी, बुचकेवाडी, पारंडे, गुंजाळवाडी, बांगरवाडी (बेल्हे), गुळंचवाडी, तांबेवाडी, ग्रामपंचायत खामगाव, राळेगण, उंब्रज नं.-१, पिंपळवंडी, रानमळावाडी, बेल्हे, वडगाव आनंद, कांदळी, सांगणोरे, पांगरी तर्फे मढ, निमगिरी, शिरोली तर्फे आळे, खटकाळे, पिंपरी कावळ, धालेवाडी मिन्हेर, सुकाळवेढे, आंबेगव्हाण, डुंबरवाडी या ठिकाणी ग्रामसभेचे आयोजन करण्यात आले आहे.