समर्थ च्या चैताली खराडे ला एमएच-सीईटी परीक्षेत मिळवलेत ९९.२२ पर्सेंटाईल
1 min read
बेल्हे दि.१६:- समर्थ रुरल एज्युकेशनल इन्स्टिट्यूट संचलित समर्थ ज्युनिअर कॉलेज बेल्हे (ता.जुन्नर) येथील चैताली खराडे या विद्यार्थिनीने एमएचटी सीईटी-२०२३ मध्ये ९९.२२ पर्सेंटाईल मिळवून यश संपादन केल्याची माहिती प्राचार्या वैशाली आहेर यांनी दिली.
गरीब आणि होतकरू विद्यार्थ्यांसाठी सीईटीचे क्लासेस माफक दरात उपलब्ध करून त्याद्वारे विद्यार्थ्यांना दर्जेदार गुणवत्तापूर्ण शिक्षणाची संधी मिळावी यासाठी समर्थ शैक्षणिक संकुल नेहमीच अग्रेसर असते.इयत्ता ११ वी पासून दोन वर्ष एमएचटी सीईटी परीक्षेची तयारी करून घेतली जाते.
शिक्षक आणि विद्यार्थी यांच्या सातत्यपूर्ण प्रयत्नामुळे समर्थ ज्युनिअरच्या विद्यार्थ्यांनी महाराष्ट्र शासनाने घेतलेल्या सीईटी परीक्षेमध्ये लक्षणीय यश मिळवले आहे.मंगरूळ ता.जुन्नर येथील सर्वसामान्य शेतकरी कुटुंबातील चैताली खराडे हिने यश संपादन केले आहे त्याचबरोबर वैष्णवी जाधव-९२.७७ (पीसीएम),९२.८०(पी सीबी),संध्या कणसे-९०.४९
(पीसीएम),आकांक्षा आरुडे-८७.३९ (पीसीबी),८२.४७(पीसीएम),ओम डुकरे-८५.४५ (पीसीएम),साक्षी औटी-८३.७० (पीसीबी),विश्वास दाते-८३.२८ (पीसीएम),सानिया भोर-८२.३८ (पीसीबी),साहिल भोर-८१.८६ (पीसीबी),मोनिका चव्हाण-८०.१४ (पीसीबी)
या १० विद्यार्थ्यांनी चांगली कामगिरी केलेली आहे.
तसेच प्रज्वल काकडे या विद्यार्थ्याने जेईई परीक्षेत ८१.४६ गुण मिळवून यश मिळवले आहे.
सदर विद्यार्थ्यांना प्रा.राजेंद्र नवले,प्रा.संतोष पोटे,प्रा. विनोद चौधरी,प्रा.अमोल खामकर,प्रा.रोहिणी औटी,प्रा.नूतन पोखरकर यांनी मार्गदर्शन केले.
सर्व यशस्वी विद्यार्थी व मार्गदर्शक शिक्षक यांचे संस्थेचे अध्यक्ष वसंत शेळके,उपाध्यक्ष माऊली शेळके,सचिव विवेक शेळके,विश्वस्त वल्लभ शेळके,प्रा.राजीव सावंत यांनी अभिनंदन केले व पुढील वाटचालीस हार्दिक शुभेच्छा दिल्या.