वळसे पाटील महाविद्यालयात स्वर्गीय मगनशेठ गाडगे यांस अभिवादन

निमगाव सावा दि.२९ :- श्री पांडुरंग ग्रामीण विकास प्रतिष्ठान संचलित दिलीप वळसे पाटील कला वाणिज्य व विज्ञान महाविद्यालयामध्ये स्वर्गीय मगनशेठ गाडगे यांच्या 5 व्या पुण्यस्मरणनिमित्त मान्यवरांच्या उपस्थितीमध्ये विनम्र अभिवादन करण्यात आले. या प्रसंगी पुणे जिल्हा परिषदेचे माजी उपाध्यक्ष पांडुरंग पवार यांनी प्रतिमेला पुष्पहार अर्पण केला.

तसेच स्वर्गीय मगन आप्पा यांच्या बाबतच्या आपल्या प्रेम भावना व्यक्त केल्या. त्यांनी आपल्या मनोगतात स्वर्गीय आप्पांच्या समवेतच्या आठवणींना उजाळा दिला. एक उत्कृष्ट अष्टपैलू व्यक्तिमत्व, समाजकारणी, मार्गदर्शक, धाडसी,निर्णयक्षम, निमगाव सावा गावचं भूषण असं हे जनतेला हवहवसं असणार व्यक्तिमत्व म्हणजे मगन आप्पा. त्यांच्यासोबतच्या जडणघडणीतूनच आणि योग्य मार्गदर्शनातून आम्ही घडलो असे मत साहेबांनी व्यक्त केले.

याप्रसंगी संस्थेचे संचालक सोपान गाडगे, संस्थेचे माजी सचिव गणपत घोडे गुरुजी, संस्थेचे अध्यक्ष संदिपान पवार, संचालक विशाल भालेराव, संचालक दत्तात्रय घोडे गुरुजी, लेखापरीक्षक बाबासाहेब बांगर, महाविद्यालयातील सर्व शिक्षक व सेवक वर्ग आणि विद्यार्थी उपस्थित होते.