बोरी-बेल्हे ते जेजुरी एसटी बस पहिल्याच दिवशी प्रवाशांनी फुल

बेल्हे दि.१० :-आता सर्व सामान्यांना जेजुरीला जाण सोपं झाल असून माजी जिल्हा परिषद सदस्य पांडुरंग पवार त्यांच्या पाठपुराव्याला यश आले आहे. नारायणगाव आगाराची बोरी-बेल्हे-जेजुरी-बारामती एसटी बस बुधवार दि.१० पासून सुरू झाली आहे. पहिल्या दिवशी बोरी,साकोरी,पारगाव, जांबुत गावातील ग्रामस्थांनी या बसच्या चालक व वाहकांचा सत्कार केला. ही नवीन बस पहिल्याच दिवशी प्रवाशांनी फुल भरली. त्यामुळे या बसाल चांगला प्रतिसाद मिळत असून ही गरज होती हे स्पष्ट होत आहे.

“बोरी ते जेजुरी ही बस सुरू झाल्यामुळे सर्वसामान्यांना एका दिवसात जेजुरीचा प्रवास करणे शक्य होते. आज पहिल्या दिवशी मी जेजुरीचा जाऊन दर्शन घरी आलो. त्यामुळे ही बस सुरू झाल्याने सर्वसामान्यांना दिलासा मिळाला आहे”

सुनील जाधव
प्रवाशी

ही बस रोज सकाळी 7 वाजता बोरी येथून सुटेल/ बेल्हे 7-15 / साकुरी 7-20/मंगरुळ पारगाव 7-30 /लोणी 8/ पाबळ 8-15/शिक्रापूर 9 वाजता/तळेगाव ढमढेरे 9-45 /उरळी कांचन 10-30/जेजुरी 11-30 पोहचेल /मोरगाव गणपती 12/ बारामती 12-30 पोहचेल त्या नंतर हीच बस पुन्हा दुपारी 1 वाजता बारामती येथून सुटेल मोरगाव गणपती 2 वाजता /जेजुरी दुपारी 3 वाजता/उरळी कांचन,शिक्रापूर,पाबळ,लोणी,पारगाव, बेल्हे-बोरी, आळेफाटा- मार्गे नारायणगाव डेपोला पोहचेल.

बेल्हे-जेजुरी रस्ता जुन्नर, आंबेगाव, शिरूर, हवेली व पुरंदर या पाच तालुक्यातून जात असून महाराष्ट्रातील भाविकांचे कुलदैवत असणारे श्री खंडोबा मंदिर पर्यंत गेल्यामुळे नवीन एसटी बस सेवा सुरू केल्याने या भागातील भाविकांची दर्शनाची चांगली सोय होणार असल्याने बस सुरू करण्याची मागणी माजी जिल्हा परिषद सदस्य पांडुरंग पवार यांनी लोकप्रतिनिधी व प्रशासनाकडे निवेदनाद्वारे केली होती.तसेच ग्रामपंचायततीने १० मार्च रोजी बस सुरू करण्यासाठी मुख्यमंत्री कार्यालयाशी पत्रव्यवहार केला होता.