सुशांत सिंह राजपूतची आत्महत्याच; सीबीआयचा क्लोजर रिपोर्ट दाखल; रिया चक्रवर्तीला क्लीन चिट

मुंबई दि.२३:- अभिनेता सुशांत सिंह राजपूत आत्महत्या प्रकरणात रिया चक्रवर्तीला क्लिनचीट देण्यात आली आहे. सुशांत सिंह राजपूत याने आत्महत्याच केल्याचं सीबीआयच्या क्लोजर रिपोर्टमध्ये म्हटलं आहे. रिया चक्रवर्ती विरोधात कुठलाही पुरावा न सापडल्यानं तिला क्लिनचीट देण्यात आली आहे. तब्बल चार वर्ष चार महिन्यांनी सीबीआयकडून मुंबई हायकोर्टात क्लोजर रिपोर्ट सादर करण्यात आला आहे, त्यामध्ये सुशांत सिंह राजपूत याने आत्महत्याच केल्याचं म्हटलं आहे.या सर्व प्रकरणामध्ये आतापर्यंत अनेकदा आरोप झाले आहेत. रिया चक्रवतीसह अनेकांवर गंभीर स्वरुपाचे आरोप करण्यात आले होते. सुरुवातीला मुंबई पोलिसांनी जो काही तपास केला होता, त्यामध्ये सुशांत सिंह राजपूतने आत्महत्या केली आहे, यामध्ये कुठलाही संशय नाही असं मुंबई पोलिसांनी म्हटलं होतं. मात्र यामध्ये जेव्हा गंभीर स्वरुपाचे आरोप होऊ लागले तेव्हा या प्रकरणाचा तपास सीबीआयकडे वर्ग करण्यात आला होता, आणि सीबीआयने या प्रकरणाचा आतापर्यंत म्हणजे चार वर्ष चार महिन्यांमध्ये तपास केला. त्यानंतर सीबीआयने क्लोजर रिपोर्ट सादर केला आहे.

यामध्ये सर्वात मोठी संशयित होती ती म्हणजे रिया चक्रवर्ती तिला क्लिनचीट देण्यात आली आहे. सुशांत सिंह राजपूतची आत्महत्याच होती असं सीबीआयनं आपल्या क्लोजर रिपोर्टमध्ये म्हटलं आहे. सुशांत सिंह मृत्यू प्रकरणातून रिया चक्रवर्तीला मोठा दिलासा मिळाला आहे. सुशांतची आत्महत्या की हत्या अशी चर्चा त्यावेळी झाली होती. शिवाय त्याला आत्महत्या करण्यासाठी उकसवलं गेलं होतं. त्याच्यावर दबाव टाकला होता असा आरोप रिया चक्रवर्तीवर करण्यात आला होता. हा आरोप सुशांतच्या कुटुंबीयांनी केला होता. मात्र त्याबाबतचा कुठलाही पुरावा सीबीआयला मिळाला नाही. त्यामुळे रिया चक्रवर्तीला चार वर्षांनी या प्रकरणी दिलासा मिळाला आहे.