राक्षे विरुद्ध मोहोळ लढतीच्या चौकशीसाठी सक्षम व तज्ज्ञ समितीची नियुक्ती

अहिल्यानगर दि.१८:- अहिल्यानगरमध्ये २९ जानेवारी ते २ फेब्रुवारी दरम्यान झालेल्या ६७ वी वरिष्ठ राज्य अजिंक्यपद महाराष्ट्र केसरी कुस्ती स्पर्धेमध्ये महाराष्ट्र केसरी खुल्या गटातील गादी विभागाच्या अंतिमफेरीमध्ये पृथ्वीराज मोहोळ व शिवराज राक्षे यांच्यात कुस्ती झाली होती. या लढतीच्या निकालावर वाद झाला होता. त्यामुळे या लढतीच्या चौकशीसाठी सक्षम व तज्ज्ञ समितीची नियुक्ती करण्याचा निर्णय महाराष्ट्र राज्य कुस्तीगीर संघाने घेतला असल्याची माहिती कुस्तीगीर संघाचे सचिव योगेश दोडके यांनी दिली.या समितीच्या प्रमुखपदी शिवछत्रपती पुरस्कार प्राप्त व कुस्तीचे आंतरराष्ट्रीय पंच प्रा.विलास कथुरे हे असणार आहेत. त्यांच्या समवेत ४ तज्ज्ञ पदाधिकाऱ्यांचीही नियुक्ती करण्यात आली. ही समिती वादग्रस्त ठरलेल्या लढतीतील पंचांच्या निर्णयाची सखोल चौकशी करून २८ फेब्रुवारीपर्यंत महाराष्ट्र राज्य कुस्तीगीर संघाकडे अहवाल सादर करणार आहेत.