जखमी तरसाला वनविभागाने दिले जीवदान

जुन्नर दि.१३:- जुन्नर तालुक्यातील धोलवड येथील भवानीनगर मधील उसाच्या शेतात असलेल्या तरसाला वन विभागाने जीवदान दिले आहे. याबाबत सविस्तर माहिती अशी की,

धोलवड मधील विलास लक्ष्मण नलावडे यांचे उसाचे शेतात एक तरस जखमी अवस्थेत पडला आल्याची माहिती विशाल सोनवणे यांनी भ्रमणध्वनीवरून वनविभागाला दिली. वनविभागाचे सारिका बुट्टे वनपाल ओतूर, विश्वनाथ बेले वनरक्षक ओतूर, दादाभाऊ साबळे वनरक्षक उदापूर,

कैलास भालेराव वनरक्षक आळे, तसेच किसन केदार, गंगाराम जाधव, गणपत केदार, फुलचंद खंडागळे यांनी घटनास्थळी जाऊन पाहणी करून घटनेची खात्री केली. तद्नंतर वनपरिक्षेत्र अधिकारी ओतूर यांना भ्रणध्वनी वरून माहिती दिली असता लहू ठोकळ हे देखील घटनास्थळी

तात्काळ पोहोचून त्यांच्या मार्गदर्शनाखाली घटनास्थळी सर्व वन कर्मचारी तसेच आळे रेस्कु टीम व ग्रामस्थ यांचे मदतीने स्नेयर, दोर व पिंजऱ्याच्या साहाय्याने जखमी तरस या वन्य प्राण्याचा योग्य त्या पद्धतीने रेस्क्यू करून त्याला सुखरूप माणिक डोह बिबट निवारा केंद्र येथे दाखल केले असून त्यावर पुढील उपचार चालू आहेत. सदर तरस याचे वय अंदाजे 6 ते 7 वर्ष आहे.