तालुकास्तरीय खो-खो स्पर्धेत समर्थचे यश

बेल्हे दि.१२:- जिल्हा क्रीडा परिषद, जिल्हा क्रीडा अधिकारी कार्यालय पुणे, जुन्नर तालुका क्रीडा शिक्षक संघटना व विशाल जुन्नर सेवा मंडळ संचलित व्ही.जे. इंटरनॅशनल स्कूल नगदवाडी वडगाव कांदळी यांच्या संयुक्त विद्यमाने आयोजित जुन्नर तालुकास्तरीय खो-खो स्पर्धा नुकत्याच संपन्न झाल्या.

या स्पर्धांमध्ये समर्थ रुरल एज्युकेशनल इन्स्टिट्यूट संचलित समर्थ ज्युनिअर कॉलेजच्या विद्यार्थ्यांचा १९ वर्षाखालील वयोगटातील मुले व मुली दोन्ही संघ उपविजयी झाले. विद्यार्थी व विद्यार्थिनींनी उत्तम खेळाचे प्रदर्शन केले व यश संपादन केले. अशी माहिती समर्थ ज्युनिअर कॉलेजच्या प्राचार्या वैशाली आहेर यांनी दिली. यशस्वी विद्यार्थ्यांना क्रीडा संचालक एच.पी. नरसुडे, क्रीडा शिक्षक राजाभाऊ ढोबळे, प्रा.सुरेश काकडे, प्रा.किर्ती थोरात, प्रा.ज्ञानेश्वर जाधव, प्रा.संतोष पोटे यांनी मार्गदर्शन केले.सर्व यशस्वी खेळाडूंचे व क्रीडा शिक्षकांचे संस्थेचे अध्यक्ष वसंत शेळके, उपाध्यक्ष माऊली शेळके, सचिव विवेक शेळके, विश्वस्त वल्लभ शेळके, माजी जिल्हा परिषद सदस्या स्नेहल शेळके यांनी अभिनंदन केले.