माजी आमदार कै. वल्लभ बेनके यांच्या ७५ व्या जयंतीनिमित्त श्री हॉस्पिटल च्या वतीने भव्य हृदयरोग व मूत्ररोग शिबिराचे आयोजन

उंब्रज दि.२१:- जुन्नर तालुक्याचे माजी आमदार कै. वल्लभ बेनके यांच्या 75 व्या जयंतीनिमित्त ग्रामपंचायत उंब्रज नंबर 1, प्राथमिक आरोग्य केंद्र, पिंपळवंडी व श्री हॉस्पिटल आळेफाटा (ता. जुन्नर) यांच्या संयुक्त विद्यमाने रविवार दिनांक 23 जून रोजी सकाळी दहा ते दुपारी दोन या वेळेत ग्रामपंचायत सभागृह उंब्रज नंबर १ येथे मोफत भव्य हृदयरोग व मूत्ररोग शिबिराचे आयोजन करण्यात आले आहे. या शिबिराचे उद्घाटन तालुक्याचे आमदार अतुल बेनके तसेच युवा नेते अमित बनके यांच्या हस्ते संपन्न होणार आहे. तरी जास्तीत जास्त गरजूंनी या शिबिराचा फायदा घेण्याचे आवाहन बेनके कुटुंबियांच्या वतीने करण्यात आले आहे.

या शिबिरात मणक्याच्या शस्त्रक्रिया, दुर्बिणीद्वारे मुतखड्याच्या शस्त्रक्रिया, प्रोस्टेट ग्रंथीच्या शस्त्रक्रिया, फ्रॅक्चर, सांधे व हाडांच्या शस्त्रक्रिया मोफत केल्या जातील. तसेच ऍन्जिओग्राफी केल्यानंतर ब्लॉकेज अढळल्यास एन्जोओप्लास्टी महात्मा ज्योतिराव फुले व जन आरोग्य योजने अंतर्गत मोफत केली जाईल.

हृदय तज्ञांकडून तपासणी कोणी करून का घ्यावी? छातीत दुखणे, जुने हृदय विकार, धाप लागणे / दम लागणे, सुज येणे, छाती धडधडने, रूटीन चेक-अप, थकवा येणे, चक्कर येणे अशा रुग्णांनी या शिबिराचा अवश्य लाभ घेऊन तपासणी करून घ्यावी.

या शिबिरात इ.सी.जी, हृदयरोग तज्ञांचा सल्ला,ब्लड शुगर, बीपी तपासणी मोफत केली जाणार आहे तसेच इतर लॅब तपासणीत ३० टक्के सूट मिळणार आहेत. अधिक माहिती साठी संपर्क- संतोष शिंदे ९०९६३९९३८४