तालुका स्तरीय उमंग प्रश्नमंजुषा स्पर्धेत बेल्हे जिल्हा परिषद प्राथमिक शाळेचा द्वितीय क्रमांक

बेल्हे दि.४:- पंचायत समिती जुन्नर व द हंस फाऊंडेशन, शिक्षणा फाउंडेशन यांच्या संयुक्त विद्यमाने तालुकास्तरीय स्तरीय’ उमंग प्रश्नमंजुषा – २०२४ ‘ ही स्पर्धा आदिवासी सांस्कृतिक भवन जुन्नर येथे पार पडली. यामध्ये तालुक्यातील बीट स्तरीय विजेत्या शाळांनी सहभाग घेतला. प्रश्नमंजुषा स्पर्धेत जिल्हा परिषद प्राथमिक शाळा बेल्हे नं-१ शाळेने द्वितीय क्रमांक प्राप्त केला. स्पर्धेचे आयोजन संस्थेचे मेंटोर स्वाती शेलार, आदेश जगताप, सौरभ दिघे, महेश नायकोडी आणि रामदास दाभाडे व सर्व सदस्य यांनी केले होते.सन २००३ पासून ही संस्था सामाजिक, शैक्षणिक क्षेत्रात काम करत आहेत. जुन्नर तालुक्यात २०२३ पासून संस्थेने सर्व जिल्हा परिषद प्राथमिक शाळांवर काम चालू केले आहे. या अगोदर संस्था पुणे जिल्ह्यातील दौंड, खेड आणि आंबेगाव तालुक्यात काम करत आहे. जिल्हा परिषद शाळांच्या मुलांच्या गुणवत्तेत हातभार लावण्यासाठी संस्था शैक्षणिक क्षेत्रात काम करत आहेत.प्रश्नमंजुषा स्पर्धेत बेल्हे नंबर १ शाळेतील तिसरी व चौथी चे विद्यार्थी ध्येया पिंगट, आराध्य भालेराव, कृष्णाली कोकाटे, अताएहुसेन सैय्यद, परसिस जैसवाल यांनी शाळेचे प्रतिनिधीत्व करत यश मिळवून दिले. स्पर्धेत स्क्रीन वर मुलांना प्रश्न दाखविण्यात आले. त्यानुसार शुभारंभ फेरी, रॅपिड फायर,एलिमेशन फेरीत,डबल डीप,विजेती फेरी अशा अनेक फेऱ्या यामध्ये होत्या. मुलांना बेल वाजवून बहुपर्यायी प्रश्न उत्तरे यावेळी घेण्यात आली. जलद अचूक उत्तर देणारा गट यामध्ये विजयी घोषित करण्यास आला. मुलांनी या स्पर्धेचा आनंद घेतला.याप्रसंगी तालुक्याच्या गटशिक्षणाधिकारी अनिता शिंदे यांनी विजयी शाळा, सहभागी विदयार्थी, मार्गदर्शक शिक्षक, यांना ट्रॉफी, सन्मानचिन्ह व मेडल देऊन सन्मानित केले.तालुकास्तरीय प्रश्नमंजुषा स्पर्धेत बेल्हे नं-१ शाळेतील विद्यार्थ्यांचा द्वितीय क्रमांक आल्याबद्दल शिक्षण विस्तार अधिकारी विष्णु धोगडे, केंद्रप्रमुख सोपान बेलकर , सुरेश देठे, शालेय व्यवस्थापन समिती अध्यक्षा सुप्रिया बांगर, उपाध्यक्ष सोहेल बेपारी व सर्व सदस्य. मुख्याध्यापिका मीरा बेलकर यांनी मार्गदर्शक शिक्षक कविता सहाणे, संतोष डुकरे, प्रविणा नाईकवाडी व सहभागी विद्यार्थांचे कौतुक केले.शाळेतील सहशिक्षक हरिदास घोडे, सुवर्णा गाढवे , सुषमा गाडेकर, योगिता जाधव, अंजना चोरे यांचे प्रश्नमंजुषा स्पर्धेसाठी सहकार्य लाभले.