१४-१५ मार्च दरम्यान निवडणूक आचारसंहिता लागणार?

दिल्ली दि.६:- देशात लोकसभा निवडणुकीसाठी आचारसंहिता १४ ते १५ मार्चपासून लागण्याची शक्यता आहे. निवडणूक आयोग लवकरच निवडणुकीच्या तारखा जाहीर करू शकते, अशी माहिती सूत्रांनी दिली आहे.

एप्रिलच्या दुसऱ्या आठवड्यात पहिल्या टप्प्यातील मतदान प्रक्रिया सुरू होईल, असा अंदाज व्यक्त केला जात आहे. २०१९ प्रमाणे यावेळीही निवडणूक ७ टप्प्यात घेतली जाण्याची शक्यता आहे.

निवडणूक आयोग पुढच्या आठवड्यात निवडणुकीच्या तारखा जाहीर करू शकते. सध्या निवडणूक आयोग लोकसभा निवडणुकीच्या तयारीचा आढावा घेत आहे. त्यानिमित्त निवडणूक आयोगाकडून अनेक राज्यांचा दौरा करत आहे.

सर्व राज्यांच्या तयारीचा आढावा घेतल्यानंतर निवडणूक आयोग लोकसभा निवडणुकीच्या तारखा जाहीर करेल.