नायफड मध्ये शिक्षण परिषद संपन्न

खेड.दि.६:- खेड तालुक्यातील नायफड येथे नुकतीच शिक्षण परिषद संपन्न झाली.यावेळी अध्ययन प्रक्रियेचं व्यवस्थापन प्रशिक्षण यावर मार्गदर्शन करण्यात आले.या प्रशिक्षणासाठी प्रमुख पाहुणे म्हणून खेड तालुक्याचे गटशिक्षणाधिकारी, शिक्षण विस्तार अधिकारी जीवन कोकणे होते. सध्याच्या स्पर्धा परीक्षा युगात आपण टिकून राहण्यासाठी प्रयत्न केले पाहिजेत असे त्यांनी सांगितले. यावेळी नायफड केंद्राचे केंद्र प्रमुख भरत लोखंडे, गिरे गुरूजी उपस्थित होते. या प्रशिक्षणासाठी मार्गदर्शक म्हणून हिनाकौसर शाह, अशोक फसले, दत्तात्रय रावते उपस्थित होते. यावेळी सूत्रसंचालन व आभार विशाल शिंदे यांनी केले. प्रशिक्षणासाठी सर्व नियोजन जि.प.शाळा.नायफड यांनी केले.