आळ्यात तिसरा बिबट्या जेरबंद

आळेफाटा दि.४:- आळे- बोरी गावच्या हद्दीत लावलेल्या पिंज-यात  शनिवारी सकाळी सहा वाजण्याच्या सुमारास बिबटया जेरबंद झाला आहे.याबाबत मिळालेल्या माहितीनुसार आळे (ता.जुन्नर) या गावातील तितर मळयात दि.९ ऑक्टोबर रोजी बिबटयाने ४ वर्षीय बालकावर हल्ला करून ठार केल्याची घटना घडल्याने वन विभागाने या ठिकाणी १५ पिंजरे लावले होते. या पिंजऱ्यात मंगळवार दि.१० रोजी पहाटेच्या सुमारास एक बिबट्या जेरबंद करण्यात वन विभागाला यश आले होते तर दुसरा बिबट्या रविवार दि.१४ रात्री पुन्हा दुसरा बिबट्या जेरबंद करण्यात वनविभागाला यश आले होते. या मळ्याच्या बाजुला असलेल्या आळे-बोरी गावच्या हद्दीवर रहात असलेले. राजाराम नथु औटी या शेतक-याच्या शेतावर लावलेल्या पिंज-यात शनिवारी सकाळी खाद्याच्या शोधात आलेला बिबट्या जेरबंद झाला आहे.सदर बिबट्याला माणिक डोह येथील बिबट निवारण केंद्रात हलवण्यात आले असल्याची माहिती वन अधिकारी संतोष साळुंखे, के.जी.भालेराव यांनी दिली.