पाटगाव येथील दिपक नटे हा तरूण बेपत्ता

देवरूख दि.२४:- देवरूख नजीकच्या पाटगाव येथील तरूण बेपत्ता झाला आहे. पती बेपत्ता झाल्याची तक्रार त्याच्या पत्नीने देवरूख पोलीस ठाण्यात दिली आहे. दिपक सुरेश नटे (वय-४३) असे बेपत्ता झालेल्या व्यक्तीचे नाव आहे. याबाबत देवरूख पोलीसांनी दिलेल्या माहितीनुसार, दिपक नटे याला दारूचे व्यसन असून तो दि. १५ जुलै रोजी सकाळी ८.३० वा. कोणालाही न सांगता घरातून निघून गेला आहे. तो घरी न आल्याने घरातील मंडळींनी त्याची शोधाशोध करूनही तो कुठेच सापडला नाही. अखेर त्याची पत्नी दिपाली हिने पती बेपत्ता असल्याची तक्रार देवरूख पोलीस ठाण्यात दिली आहे. दिपक याची उंची ५ फुट ६ इंच असून रंग गोरा,मध्यम बांधा, चेहरा गोल व घरातून निघतेवेळी शेवाळी रंगाचा फुल शर्ट व पँन्ट परिधान केली आहे.अशा वर्णनाची व्यक्ती कुठे आढळल्यास देवरूख पोलीस ठाण्याशी संपर्क साधण्याचे आवाहन देवरूख पोलीसांनी केले आहे. तपास पो. ह. संदीप जाधव करत आहेत.