आळेफाटा येथे बस आणि कंटेनर अपघातात सात जण गंभीर जखमी; जखमींचा नावे…

आळेफाटा दि.७:- पुणे- नाशिक राष्ट्रीय महामार्गावर खाजगी बस आणि कंटेनर यांच्यात अपघातात होऊन सात जण गंभीर जखमी झाले असुन हा अपघात शुक्रवार दि.७ रोजी पहाटे साडेपाच वाजण्याच्या सुमारास घडला.याबाबत आळेफाटा पोलिसांनी कडुन मिळालेल्या माहितीनुसार पुणे – नाशिक महामार्गावर आळेफाटा गावच्या हद्दीत जी.के.२७ टी.एफ.१०६३ हा ट्रक पुणे दिशेने जात असताना पाठीमागून आलेली पुणे या ठिकाणी जात असलेली खाजगी बस ट्रॅव्हल्स एम.एच.१८ बीजी २५०० या बस चालकाला पुढे असलेल्या गतीरोधकाचा अंदाज न आल्यामुळे बस कंटेनर वर जाऊन जोरात आदळुन अपघात झाला असुन. यामध्ये बस मधील १) सबाब पिंजारी वय ३५ वर्षे रा चोपडा जळगाव २) कल्पना अशोक अहिरराव वय ५८ वर्षे रा राजगुरूनर खेड

३) योगेश अशोक अहिराव वय ३५ रा वरिल ४) अशोक तुकाराम अहीरराव वय ६६ रा वरिल ५) हर्षा प्रशांत माळी वय २५वर्षे रा भोसरी ६) सोनल पिराचंद शाहा वय 34 रा.भोसरी ७) राजेश्वरी सुरेंद्र पाटिल वय २४ रा चिंचवडी हे जखमी झाले असुन त्यांना आळेफाटा येथील एका खाजगी दवाखान्यात उपचारासाठी दाखल करण्यात आले असुन पुढील तपास आळेफाटा पोलिस स्टेशन चे पोलिस निरीक्षक दिनेश तायडे यांच्या मार्गदर्शनाखाली विकास गोसावी, बाबासाहेब सांगडे, संदेश निघोट हे करत आहेत.

दरम्यान पुणे- नाशिक महामार्गावर दि.१७ जानेवारी रोजी अपघात होऊन यामध्ये दहा जणांना आपला जीव गमवावा लागला होता ही घटनेला अजुन एक महिना सुध्दा झाला नसुन परत आळेफाटा या ठिकाणी बस व कंटेनर यां वाहनांचा अपघात होऊन सात जण जखमी झालेले आहेत. येथील महामार्गाच्या बायपास तसेच इतर ठिकाणी ज्या ज्या ठिकाणी गतीरोधक टाकले आहेत. त्या ठिकाणी सफेद पट्टे मारणे तसेच दिशादर्शक मारणे गरजेचे आहे.