बिबट्याचा हल्लात दोन जखमी; वनविभागाच्या सतर्कतेच्या सूचना

ओतूर दि.२:- सुनील बबन निमसे (वय 42 वर्ष रा. पिंपळगाव जोगा, ता. जुन्नर जि.पुणे) हे घराबाहेर असलेल्या शेडमध्ये झोपले असताना अचानक रविवार दि.2 रोजी पहाटे 4.45 वाजता बिबट्याने हल्ला करून त्यांना किरकोळ जखमी केले. तसेच अभय विलास घोलप रा.रोहोकडी, ता.जुन्नर, जि. पुणे. यांचेवर मोटार सायकलवरून जात असता. सकाळी अंदाजे 6.30 वाजता रस्त्याच्या कडेला दबा धरून बसलेल्या बिबट या वन्यप्राण्याने हल्ला करून त्यांना जखमी केले. असून त्या दोन्ही जखमी व्यक्तींना तात्काळ ओतूर येथील ग्रामीण रुग्णालयात दाखल केले. त्या ठिकाणी प्राथमिक उपचार घेऊन पुढील उपचारासाठी मंचर येथील ग्रामीण रुग्णालय या ठिकाणी नेण्यात आले. तसेच वनपरिक्षेत्र अधिकारी लहू ठोकळ त्यांच्या मार्गदर्शनाखाली घटनास्थळी तात्काळ वन विभागाचे पथक दाखल होऊन मनीषा काळे वनपाल पिंपळगाव जोगा, रेखा धूम वनरक्षक पिंपळगाव जोगा, रुपावली जगताप वनपाल आंबेगव्हान, वाजे वनरक्षक आंबेगव्हान खरोडे वनरक्षक, व्ही.ए,बेले.वनरक्षक ओतूर, फुलचंद खंडागळे, रेस्क्यू टीम यांनी सदर ठिकाणी तात्काळ पिंजरा लावन्यात येतील असे सांगितले, तसेच रेस्कू टीम यांनी बिबट वन्य प्राण्याबद्दल माहिती देऊन स्वसंरक्षणार्थ उपाययोजना सांगून जनजागृती करीत आहेत.तरी वन विभागाकडून असे आवाहन करण्यात येते की पहाटे उघड्यावर शौचालयास जाऊ नये. तसेच रात्री उघड्यावर झोपू नये व तसेच बिबटप्रवण क्षेत्रातून वाहनाद्वारे जात असताना वाहनाचे हॉर्न मोठ्याने वाजवणे जेणेकरून रस्त्याच्या बाजूला दबा धरून बसलेले वन्यप्राणी त्याची जागा बदलतील.