“रंगोत्सव” नॅशनल आर्ट स्पर्धेत विद्यानिकेतनच्या ८० विद्यार्थांनी मिळवले यश

साकोरी दि.१६:- विद्यानिकेतन इंटरनॅशनल अकॅडमी व विद्यानिकेतन पी. एम. हायस्कूल व ज्यु. कॉलेज साकोरी येथे पारितोषिक वितरण समारंभ दिमाखात संपन्न यावेळी संस्थेचे संस्थापक अध्यक्ष पी. एम. साळवे विद्यानिकेतन इंटरनॅशनल अकॅडमीच्या प्राचार्या रुपाली पवार -भालेराव, उपप्राचार्य शरद गोरडे व पी. एम. हायस्कूल व ज्यूनियर कॉलेजचे प्राचार्य रमेश शेवाळे यांच्या हस्ते विद्यार्थ्यांना पारितोषिके देण्यात आली.

“रंगोत्सव” नॅशनल आर्ट कोम्पिटिशन मुंबई तर्फे आयोजित या स्पर्धेमध्ये विद्यानिकेतन इंटरनॅशनल अकॅडमीच्या २५० विद्यार्थ्यांनी या स्पर्धेमध्ये सहभाग नोंदवला त्यापैकी ८० विद्यार्थ्यांनी यश संपादन केले.

मनस्वी मयूर भोर – द्वितीय क्रमांक (स्टडी लॅम्प व ट्रॉफी), परी रुपेश पाचपुते – चतुर्थ क्रमांक (कॅम्बो कलरिंग किट व गोल्ड मिडल), अभिज्ञा विठ्ठल डुकरे – (आर्ट मिरीट अवार्ड), नम्रता दीपक खिलारी – (आर्ट मिरीट अवार्ड ) गोल्ड मिडल -२५, सिल्वर मिडल -२०, ब्रॉन्झ मिडल -१५, के जी गिप्ट – ५, सरप्राईज गिप्ट -४ त्याचप्रमाणे पी. एम. हायस्कूल व ज्यु कॉलेजच्या १५० विद्यार्थ्यांनी या स्पर्धेमध्ये सहभाग नोंदवला.

त्यापैकी २३ विद्यार्थ्यानी यश संपादन केले कु. मयुरी रामचंद्र कांबळे – आर्ट मिरीट अवार्ड, गोल्ड मिडल -१०, सिल्वर मिडल -८, ब्रॉन्झ मिडल -४ व सरप्राईज गिप्ट -१ अशा विविध प्रकारच्या पारितोषिकांनी विद्यार्थ्यांना गौरविण्यात आले त्याचप्रमाणे रांगोत्सव तर्फे संस्थेचे अध्यक्ष पी. एम. साळवे यांना ट्रॉफी, विद्यानिकेतन अकॅडमीच्या प्राचार्या रुपाली भालेराव यांना ट्रॉफी व प्रमाणपत्र,

पी. एम. हायस्कूल व ज्यु कॉलेजचे प्राचार्य रमेश शेवाळे यांना ट्रॉफी व प्रमाणपत्र व कलाशिक्षक विनोद उघडे यांना ट्रॉफी व प्रमाणपत्र देऊन गौरविण्यात आले. कार्यक्रमाच्या शेवटी सर्व शिक्षकवृंद व मार्गदर्शक शिक्षक यांचे आभार मानून कार्यक्रमाची सांगता झाली.