चंपाषष्ठी सोहळ्यानिमित्त रानमळा येथे श्री कुलस्वामी खंडेरायाची चरित्र कथा 

बेल्हे दि.२९:- रानमळा (ता. जुन्नर) येथे चंपाषष्ठी सोहळा निमित्त श्री कुलस्वामी खंडेरायाचे चरित्र कथा शनिवार दि.३० नोव्हेंबर ते शनिवार दि. ७ डिसेंबर या काळामध्ये मध्ये संपन्न होणार आहे.या सोहळ्याचे चौथे वर्ष असून आठ दिवस विविध धार्मिक कार्यक्रमांची रेलचल असणार आहे.

यामध्ये श्री कुलस्वामी खंडेरायाची चरित्र कथा रोज सायंकाळी ६:३० ते ९:३० या वेळेत होणार आहे व त्यानंतर महाआरती संपन्न होणार आहे. शनिवार दि.७ डिसेंबर रोजी सकाळी ८ वाजता खंडोबा देवाच्या पालखीची भव्य मिरवणूक होईल, ९ वाजता खंडोबा देवाचे मांडव डहाळे, १० ते १२ वाजेपर्यंत हभप डॉ. गजानन महाराज काळे यांचे काल्याचे किर्तन व महाप्रसाद होईल.

दुपारी २ ते ६ तळी भंडार, रात्री ८ वाजता खंडोबा देवाचा छबिना व मनोरंजनाचे कार्यक्रम होतील. सर्व भाविकांनी कार्यक्रमाला उपस्थित राहण्याचे आवाहन समस्त ग्रामस्थ रानमळा व मुंबईकर,पुणेकर मंडळी यांनी केले आहे. अशी माहिती पप्पू गुंजाळ यांनी दिली. तसेच कीर्तन श्रवण करणाऱ्या भाग्यवान श्रोत्यांना दोन भागवत कथा सार प्रती मोफत दिल्या जाणार आहेत.