निवडणुकीमुळे कार्यकर्त्यांची चंगळ; हॉटेल ढाबे फुल्ल

जुन्नर दि.२९:-विधानसभा निवडणुकीसाठी उमेदवारी अर्ज दाखल करण्यासाठी आमदार म्हणून निवडून यायचे म्हटल्यावर कार्यकर्त्यांची मने राखली जात न असून कार्यकर्त्यांची चंगळ सुरू आहे.शाकाहारी, मांसाहारी हॉटेल, ने ढाबे फुल्ल असून यंदाची दिवाळी ही गोड होणार, अशी अपेक्षा मतदारांना आहे.कार्यकर्त्यांची जुळवाजुळव करण्यासाठी इच्छुक उमेदवारांना कसरत करावी लागत आहे. त्यासाठी कार्यकर्त्यांना व्हेज, नॉनव्हेज हॉटेलवर पार्टी दिली जात आहे. दिवाळी सुरू झाली असून त्यातच निवडणूक आल्याने विविध पक्षाच्या उमेदवाराच्या माध्यमातून आपली दिवाळी गोड होणार, अशी अपेक्षा मतदारांना आहे. विधानसभा निवडणुकीची रंगत वाढत असून इच्छुक उमेदवारांनी आपले उमेदवारी अर्ज भरण्यास सुरुवात केली आहे. अनेक उमेदवारांनी गावागावात गावभेट दौरे सुरू केले असून दिवसभर दौऱ्यात सहभागी झालेले कार्यकर्ते रात्रीच्या वेळी हॉटेल धाब्यांवर गर्दी करत असून आपलाच उमेदवार निवडून येणार, असे ठामपणे सांगत आहेत. कार्यकर्त्याकडून चिकन, मटण, बिर्याणीला अधिक पसंती मिळत आहे. तर कार्यकर्त्यांकडून अनेक मतदारांच्या मुलांना नोकरीचे, कामधंदा मिळवून देण्याचे आश्वासन दिले जात आहे.