शिरूर लोकसभा मतदार संघात तिहेरी लढत !

1 min read

शिरूर दि.३:- शिरुर लोकसभा मतदारसंघातून वंचित बहुजन आघाडीकडून मंगलदास बांदल यांना शिरूर मतदार संघातून उमेदवारी देण्यात आली आहे. शिरूर लोकसभा मतदारसंघातून महाविकास आघाडीकडून डॉ.अमोल कोल्हे हे रिंगणात आहेत तर महायुतीकडून शिवाजी आढळराव पाटील यांना उमेदवारी देण्यात आलीयं. त्यामुळे आता शिरूर लोकसभेत आता तिरंगी लढत होणार असल्याचं दिसून येत आहे.वंचित बहुजन आघाडीकडून आज उमेदवारांची तिसरी यादी जाहीर करण्यात आली आहे. या यादीनुसार शिरुरमधून मंगलदास बांदल, नांदेडमध्ये अविनाश बोसिकर तर परभणीतून बाबासाहेब उगले, छत्रपती संभाजीनगरमधून अफसर खान यांना उमेदवारी जाहीर करण्यात आली आहे.महाविकास आघाडीत स्थान न मिळालेल्या वंचित बहुजन आघाडीने लोकसभेसाठी आता स्वतंत्रपणे आपले उमेदवार रिंगणात उतरण्याचा निर्णय घेतला आहे. त्यामुळे आता शिरूर लोकसभा मतदारसंघात नेमका कोणाला फटका बसणार? हे आता निवडणुकीच्या निकालानंतरच स्पष्ट होणार आहे.

बातमी शेअर करण्यासाठी येथे क्लिक करा
बातमी कॉपी करणे कायद्याने गुन्हा आहे