संगमनेर तालुक्याच्या ग्रामीण(डोंगरी) भागातील खरशिंदे येथे होणार बीएसएनएल टॉवर

संगमनेर दि.११:- ग्रामीण डोंगरी भागातील १)कुंभारवाडी (वरवंडी), २)खरशिंदे, ३) बावपठार, बागलवाडी (नांदूर खंदरमाळ), ४) जोंधळवाडी (दरेवाडी) ता.संगमनेर, जि.अ.नगर या गावांमध्ये नेटवर्क उपलब्ध नसल्याने ग्रामस्थ व शाळकरी मुलांचे मोठ्या प्रमाणात नुकसान होत आहे. शालेय मुलांना ऑनलाईन क्लास तसेच इतर इंटरनेट सेवा सुविधा उपलब्ध नसल्यामुळे विद्यार्थ्यांचे खूप नुकसान होत आहे. संबंधित गावात सरकारी कार्यालयात इंटरनेट सुविधा उपलब्ध नसल्याने रेशनकार्ड, वैद्यकीय, शासकीय योजना, शैक्षणिक योजना तसेच शेतकऱ्यांच्या विविध लाभाच्या योजनेसाठी इंटरनेट सुविधा उपलब्ध असल्यास ग्रामस्थांचे काम सुलभ होईल.संगमनेर तालुक्यातील ग्रामीण डोंगरी भागातील १)कुंभारवाडी (वरवंडी), २)खरशिंदे, ३) बावपठार, बागलवाडी (नांदूर खंदरमाळ), ४) जोंधळवाडी (दरेवाडी) ता.संगमनेर, जि.अ.नगर या संपुर्ण चारही गाव व परिसरात मोबाईल नेटवर्क संदर्भातील अडचणींची दखल आपल्या पातळीवर घेण्यात येऊन आवश्यक उपाययोजना तातडीने करण्यात येऊन मोबाईल नेटवर्क उपलब्ध व्हावे. अशी संपूर्ण परिसरातील नागरीक व शिवप्रतिष्ठाण महाराष्ट्र राज्य संघटनेच्या वतीने अश्विनी वैष्णव (केंद्रीय दूरसंचार मंत्री, भारत सरकार) यांना निवेदनाद्वारे मागणी केली होती, त्यावर बीएसएनएल ने नेटवर्क अडीअडचणी सोडविण्यासाठी खरशिंदे येथे नवीन टॉवर होणार आहे, असे कळविले आहे, त्याचप्रमाणे खरशिंदे प्रमाणेच कुंभारवाडी (वरवंडी), जोंधळवाडी(दरेवाडी), बावपठार, बागलवाडी (नांदुरखंदरमाळ) या परिसरात देखील नवीन टॉवर उभारण्यात यावेत, अशी मागणी केली आहे.तसेच जिओ महाराष्ट्र कार्यालयातून नेटवर्क अडीअडचणी सोडविण्यासाठी चारही गावांत पुढील १५-२० दिवसांत नेटवर्क सुविधा उपलब्ध करून देण्यात येईल असे कळविले आहे. चारही गाव लवकरात लवकर नेटवर्क युक्त होतील, पठार भागातील नागरिकांना नम्र विनंती करतो की पुढील १५-२०दिवसांत नेटवर्क उपलब्ध न झाल्यास आपण संबंधित दुरसंचार कंपनी व दुरसंचार मंत्रालयाशी पुन्हा पत्रव्यवहार करून तक्रार करू तसेच जोपर्यंत संबंधित प्रश्न मार्गी लागणार नाही, तोपर्यंत संबंधितांची सुट्टी नाही.

मागील २ वर्षांपूर्वी शिवप्रतिष्ठाण महाराष्ट्र राज्य संघटना, सरपंच ग्रामपंचायत वरवंडी यांचे पाठपुराव्यामुळे वरवंडी येथे जिओ कंपनीचा नवीन टॉवर झालेला आहे पण डोंगराळ भाग असल्याने कुंभारवाडी (वरवंडी) व जोंधळवाडी (दरेवाडी) हा भाग नेटवर्क पासून वंचित आहे. अशी माहिती शिवप्रतिष्ठाण महाराष्ट्र राज्य संघटनेचे संस्थापक/प्रदेशाध्यक्ष शिवश्री राहुल ढेंबरे पाटील यांनी बोलताना दिली.