राज्य महिला आयोगाच्या अध्यक्षपदी मीरा बोरवणकर

मुंबई दि.५:- माजी पोलीस अधिकारी आणि आपल्या कडक व निष्पक्ष कार्यशैलीसाठी ओळखल्या जाणाऱ्या मीरा बोरवणकर यांची महाराष्ट्र राज्य महिला आयोगाच्या अध्यक्षपदी निवड झाल्याची घोषणा करण्यात आली आहे. त्यांच्या नियुक्तीमुळे राज्यातील महिला व बालकांवरील अत्याचारप्रकरणांमध्ये अधिक प्रभावी आणि संवेदनशील हस्तक्षेप होण्याची अपेक्षा व्यक्त केली जात आहे.पोलीस सेवेत दीर्घ काळ कार्यरत असताना बोरवणकर यांनी कायदा व सुव्यवस्था राखताना अनेक कठोर निर्णय घेतले. गुन्हेगारीविरुद्ध ठाम भूमिका, गुन्हेगारांवर निर्णायक कारवाई आणि पीडितांना न्याय मिळवून देण्याच्या त्यांच्या कामगिरीमुळे त्या राज्यात विशेष परिचित आहेत. विशेषतः महिलांविरुद्धच्या गुन्ह्यांमध्ये त्यांनी दाखवलेली संवेदनशीलता आणि तत्परता उल्लेखनीय ठरली होती.नव्या जबाबदारीच्या पार्श्वभूमीवर, महिला आयोगाच्या माध्यमातून पीडित महिलांना जलद,पारदर्शक आणि ठोस न्याय मिळवून देण्यावर भर दिला जाईल, अशी अपेक्षा व्यक्त होत आहे. वाढत्या अत्याचारप्रकरणांच्या पार्श्वभूमीवर आयोगाची भूमिका अधिक निर्णायक ठरणार असून, बोरवणकर यांच्या अनुभवाचा त्यात महत्त्वाचा उपयोग होणार आहे.दरम्यान, त्यांच्या नियुक्तीचे विविध स्तरांतून स्वागत होत असून, महिला सुरक्षेसंदर्भातील धोरणांमध्ये अधिक कडक आणि परिणामकारक बदल पाहायला मिळतील, असा विश्वास व्यक्त केला जात आहे.