रक्तदान शिबिराने ‘विशाल फार्मोत्सवा’ ला उत्साहात सुरुवात

आळे दि.७:- दरवर्षीप्रमाणे या वर्षी देखील विशाल जुन्नर सेवा मंडळाचे इन्स्टिट्यूट ऑफ फार्मसी व विशाल इन्स्टिट्यूट ऑफ फार्मा. एज्यु. अँड रिसर्च, आळे यांच्या संयुक्त विद्यमाने आयोजित करण्यात आलेला “विशाल फार्मोत्सव”. सामाजिक बांधिलकीच्या भावनेतून आणि आरोग्यसेवेच्या उद्देशाने ‘विशाल फार्मोत्सव’ ची सुरुवात आदरणीय माजी कृषी मंत्री शरद पवार यांच्या अभिष्टचिंतन सोहळ्याचे औचित्य साधून रक्तदान शिबिर आयोजन करण्यात आले होते. या शिबिरात मोठ्या संख्येने विद्यार्थी- विद्यार्थिनी आणि कर्मचारी सहभागी झाले होते. कार्यक्रमाच्या उद्घाटन प्रसंगी शरदराव लेंडे, मा. उपाध्यक्ष पुणे जिल्हा परिषद, अंकुश सोनावणे, अध्यक्ष विशाल जुन्नर सेवा मंडळ, शिवाजी बांगर – खजिनदार विशाल जुन्नर सेवा मंडळ, अशोक सोनावणे मा.अध्यक्ष विशाल जुन्नर सेवा मंडळ, विक्रांत काळे संचालक विशाल जुन्नर सेवा मंडळ, ज्येष्ठ उद्योजक बबन दांगट, मधुकर वाळुंज संचालक वि. वि. का.सो पिंपळवंडी, सामाजिक कार्यकर्ते अनिल शेलार, डॉ. गौरव महाजन – पुना ब्लड सेंटर नारायणगाव आदी मान्यवरांच्या उपस्थितीत झाले. तसेच संस्थेचे सीईओ डॉ. दुष्यंत गायकवाड, महाविद्यालयांचे प्राचार्य डॉ. सुरेश जाधव, प्राचार्या डॉ. रुपाली हांडे तसेच शिक्षक शिक्षकेतर कर्मचारी आदी उपस्थित होते. प्रमुख पाहुण्यांनी रक्तदानाचे महत्त्व अधोरेखित करत समाजातील प्रत्येक व्यक्तीने यामध्ये सहभागी होण्याचे आवाहन केले. प्रसंगी विद्यार्थी, शिक्षक व शिक्षकेतर कर्मचाऱ्यांचे मिळून शरदचंद्र पवार यांच्या ८५ व्या वाढदिवसानिमित्त ८५ बॅग्सचे संकलन केले. या शिबिरामध्ये विक्रांत काळे संचालक विशाल जुन्नर सेवा मंडळ हे ८५ वे रक्तदाते होते.विद्यार्थ्यांच्या विविध कलागुणांना वाव मिळण्यासाठी ‘विशाल फार्मोत्सवा’चे १ जानेवारी ते ३ जानेवारी दरम्यान आयोजन करण्यात आला आहे. प्रा. अश्लेषा चिंचवडे यांनी कार्यक्रमाचे सुत्रसंचलन केले. कार्यक्रमासाठी सर्व शिक्षक व शिक्षकेतर कर्मचारी यांनी विशेष सहकार्य केले.