पुणे जिल्हा परिषदेचे ५० विद्यार्थी इस्रो भेटीसाठी रवाना

पुणे दि.८:- पुणे जिल्हा परिषदेच्या ४१ शाळांमधील ५० विद्यार्थी आज, सोमवारी (दि. ६) रात्री इस्रो भेटीसाठी रवाना झाले. ग्रामीण भागातील विद्यार्थ्यांमध्ये वैज्ञानिक दृष्टिकोन विकसित करण्यासाठी पुणे जिल्हा परिषदेतर्फे भारतीय अंतराळ संशोधन संस्था येथे तीन दिवसांचा शैक्षणिक दौरा आयोजित करण्यात आला आहे. या दौऱ्यासाठी इंटर-युनिव्हर्सिटी सेंटर फॉर अॅस्ट्रॉनॉमी अँड अॅस्ट्रोफिजिक्स (आयुका) ने इस्रोसारख्या राष्ट्रीय दर्जाच्या विज्ञान संस्थांना भेट देण्याचा अनुभव विद्यार्थ्यांच्या विचारविश्वाला दिशा देईल. अशा भेटींमुळे विद्यार्थ्यांमध्ये जिज्ञासा निर्माण होते. त्यांच्या कल्पनाशक्तीचा विस्तार होतो. आणि ग्रामीण भागातील विद्यार्थ्यांनाही भारताच्या वैज्ञानिक प्रवासात योगदान देण्याची प्रेरणा मिळते.गजानन पाटील, मुख्य कार्यकारी अधिकारी, जिल्हा परिषद पुणे आयोजित केलेल्या तीन टप्यांच्या परीक्षेच्या माध्यमातून विद्यार्थ्यांची निवड केली होती. या परीक्षेत १३,००० हून अधिक विद्यार्थी सहभागी झाले होते. ५० विद्यार्थी या अनोख्या संधीसाठी निवडले गेले आहेत.या दौऱ्यात विद्यार्थी भारतातील वैज्ञानिक केंद्रांना भेट देतील. त्यामध्ये विक्रम साराभाई अंतराळ केंद्र, इस्रो स्पेस म्युझियम, केरळ सायन्स अँड टेक्नॉलॉजी म्युझियम आणि प्लॅनेटेरियम (जिथे विद्यार्थी विविध वैज्ञानिक प्रयोग आणि अंतराळविषयक सादरीकरणाचा अनुभव घेतील), थेंबा इक्वेटोरियल रॉकेट लाँचिंग स्टेशन (८ तारखेला विद्यार्थ्यांना थेट रॉकेट प्रक्षेपण पाहायला मिळणार आहे.) आणि इंडियन इन्स्टिट्यूट ऑफ स्पेस सायन्स अँड टेक्नॉलॉजी (जे देशातील अतराळ संशोधनाचे प्रमुख शैक्षणिक केंद्र आहे).