छत्तीसगडमध्ये १० नक्षलवाद्यांचा खात्मा

रायपूर दि.१२:- छत्तीसगडच्या गरियाबंदमध्ये सुरक्षा दलांनी १० नक्षलवाद्यांचा खात्मा केला आहे. यामध्ये १ कोटी रुपयांचं बक्षीस जाहीर करण्यात आलेल्या मनोज ऊर्फ मोडेम बाळकृष्ण याचाही समावेश आहे. मोडेमचा मृत्यू सुरक्षा दलांसाठी मोठं यश मानलं जात आहे. गोपनीय माहितीच्या आधारे पोलिसांनी गरियाबंदमध्ये मोठी कारवाई केली. नक्षलवाद्यांचा टॉपचा नेता बाळकृष्ण याच परिसरात असल्याची खातरजमा केल्यानंतर सुरक्षा दलांकडून बुधवारी ऑपरेशन सुरु करण्यात आलं. त्या ऑपरेशनला आज म्हणजेच गुरुवारी यश मिळालं.गोपनीय माहितीच्या आधारे ऑपरेशन सुरु करण्यात आलं. त्यात मोडेम बाळकृष्णसह १० नक्षलवादी मारले गेले. मोडेमवर १ कोटी रुपयांचं बक्षीस जाहीर करण्यात आलं होतं. गरियाबंदपासून काही अंतरावर सुरक्षा दल आणि नक्षलवाद्यांची चकमक झाली. सुरक्षा दलांनी नक्षलवाद्यांच्या टोळीला घेरलं. त्यानंतर त्यांचा खात्मा करण्यात आला. गरियाबंदमध्ये करण्यात आलेल्या धाडसी कारवाईत राज्य पोलीस, केंद्रीय राखीव पोलीस दल (सीआरपीएफ), कोब्रा बटालियनच्या पथकांचा समावेश होता.सुरक्षा दलाच्या चकमकीत मारला गेलेला मनोज उर्फ मोडेम बाळकृष्ण हा ओडिशा राज्य समितीचा (ओएसजी) वरिष्ठ सदस्य होता. त्याच्यावर १ कोटी रुपयांचं बक्षीस जाहीर करण्यात आलेलं होतं. छत्तीसगडच्या आग्नेय भागात असलेला गरियाबंद जिल्हा बऱ्याच कालावधीपासून नक्षली कारवायांच्या केंद्रस्थानी राहिला आहे. हा जिल्हा नक्षलवाद्यांचा बालेकिल्ला म्हणून ओळखला जातो. इथे सुरक्षा दल आणि नक्षलवाद्यांमध्ये अनेकदा चकमकी झालेल्या आहेत. गेल्या काही वर्षांमध्ये या भागातील नक्षलवादी चळवळ कमजोर करणाऱ्या अनेक मोहिमा सुरक्षा दलांनी राबवल्या आहेत. त्यातील अनेक मोहिमांना यश आलेलं आहे. त्यात नक्षलवाद्यांचे बरेचसे वरिष्ठ नेते मारले गेलेले आहेत.तर काही जण पकडले गेले आहेत. त्यामुळे नक्षलवाद्यांचं कंबरडं मोडलं आहे.