लाडकी बहीण योजनेचा एप्रिलचा हप्ता ‘या’ दिवशी; महिला व बालविकासमंत्री आदिती तटकरे यांची माहिती

मुंबई दि.३:- मुंबई मुख्यमंत्री माझी लाडकी बहीण या योजनेचा एप्रिल महिन्याचा हप्ता अद्याप लाडक्या बहि‍णींना मिळालेला नाही. त्यामुळे एप्रिल महिन्याचा हप्ता कधी मिळणार? याकडे लाडक्या बहि‍णींचे लक्ष लागलेलं असतानाच एप्रिल महिन्याचा हप्ता लाडक्या बहि‍णींच्या खात्यात येत्या 2 ते 3 दिवसात जमा होईल, अशी माहिती महिला व बालविकासमंत्री आदिती तटकरे यांनी दिली आहे.मुख्यमंत्री लाडकी बहीण योजनेतील पात्र लाभार्थी महिलांना महिनाअखेरीस २५ तारखेपर्यंत पैसे मिळतात. एप्रिल महिन्यात मात्र पैसे खात्यात जमा झालेले नाहीत. त्यामुळे महिलांना या महिन्याच्या हप्त्याची प्रतीक्षा आहे. मात्र एप्रिल महिना हा आर्थिक वर्षासुरुवातीचा महिना असल्याने हप्ता जमा होण्यास विलंब झाल्याची माहिती आहे. यातच अदिती तटकरेंनी लवकरच महिलांच्या खात्यात पैसे जमा होणार असल्याची माहिती दिली आहे. त्यामुळे महिलांची प्रतीक्षा संपणार आहे. मुख्यमंत्री माझी लाडकी बहीण” या महत्वाकांक्षी योजनेअंतर्गत एप्रिल महिन्याचा सन्मान निधी पात्र लाभार्थी लाडक्या बहिणींच्या आधार लिंक असलेल्या बँक खात्यांमध्ये जमा करण्याची प्रक्रिया आजपासून सुरू करण्यात येत आहे.पुढील 2 ते 3 दिवसांत ही प्रक्रिया पूर्ण होईल आणि सर्व पात्र लाभार्थींना निधी थेट त्यांच्या खात्यात प्राप्त होईल.या माध्यमातून महिलांच्या आर्थिक सशक्तीकरणासाठीचा सरकारचा संकल्प अधिक दृढ केला जात आहे. असं आदिती तटकरे म्हणाल्या. मुख्यमंत्री माझी लाडकी बहीण योजना राज्याच्या महिला व बालविकास विभागाकडून चालवण्यात येते. या विभागाकडून आतापर्यंत या योजनेच्या 9 हप्त्यांची रक्कम महिलांच्या खात्यात जमा झाली आहे. पात्रलाभार्थी महिलांना आतापर्यंत 13500 रुपये मिळाले आहेत. महिला व बाल विकास विभागाच्या मंत्री आदिती तटकरे यांनी दिलेल्या माहितीनुसार मुख्यमंत्री माझी लाडकी बहीण योजनेचे लाभार्थी 2 कोटी 47 लाख आहेत. त्यांना एप्रिल महिन्याचा हप्ता दिला जाईल.