विद्या निकेतन फार्मसीच्या विद्यार्थांनी दिली औषधी वनस्पती उद्यान व वृद्धाश्रम भेट

बोटा दि.१:- विद्या निकेतन इन्स्टिट्यूट ऑफ फार्मसी अँड रिसर्च सेंटर, बोटा (ता.संगमनेर) येथील विद्यार्थ्यांसाठी दोन महत्त्वपूर्ण शैक्षणिक आणि समाजोपयोगी उपक्रमांचे आयोजन करण्यात आले. औषधी वनस्पती उद्यान भेट (Medicinal Garden Visit) आणि वृद्धाश्रम भेट (Old Age Home Visit) यांचा उद्देश विद्यार्थ्यांना औषधी वनस्पतींचे ज्ञान देणे तसेच सामाजिक बांधिलकी वाढवणे हा होता.

औषधी वनस्पती उद्यान भेट – औषधनिर्मितीचे प्रत्यक्ष ज्ञान विद्यार्थ्यांनी गिलोय, अश्वगंधा, तुळस, ब्राह्मी, सर्पगंधा, अर्जुन, कालमेघ यांसारख्या अनेक औषधी वनस्पतींचे प्रत्यक्ष निरीक्षण केले. वनस्पतींचे वैज्ञानिक नाव, औषधी गुणधर्म आणि त्यांचा औषधनिर्मितीतील उपयोग याबाबत तज्ज्ञ प्राध्यापकांनी सखोल माहिती दिली. यामुळे विद्यार्थ्यांना औषधनिर्मिती प्रक्रियेसाठी आवश्यक असलेल्या वनस्पतींचे महत्त्व समजले.

वृद्धाश्रम भेट – वृद्धसेवा हीच खरी समाजसेवा

यानंतर संस्थेच्या वतीने बाबा वृद्धाश्रम व नर्सिंग केअर सेंटर येथे वृद्धाश्रम भेट व सेवाभावी उपक्रम राबवण्यात आला. प्रथम वर्ष व द्वितीय वर्ष फार्मसीच्या विद्यार्थ्यांनी वृद्धांशी संवाद साधला, त्यांचे अनुभव ऐकले आणि त्यांच्यासाठी मनोरंजनात्मक कार्यक्रम सादर केला. तसेच, त्यांना मूलभूत वैद्यकीय सल्ला, औषधांची माहिती देण्यात आली.वृद्धांनी या भेटीमुळे आनंद आणि समाधानाची भावना व्यक्त केली.संस्थेच्या सामाजिक व शैक्षणिक उपक्रमांची पाठराखण या दोन्ही उपक्रमांचे आयोजन प्राचार्य डॉ. किरण शिंदे यांच्या मार्गदर्शनाखाली करण्यात आले. त्यांनी सांगितले की, “औषधनिर्मितीचे ज्ञान आणि सामाजिक बांधिलकी या दोन्ही बाबी फार्मसी विद्यार्थ्यांसाठी महत्त्वाच्या आहेत. या दौऱ्यात प्रा. कुरकुटे दिपाली ,प्रा. गायकवाड निकिता व प्रा. पवार देव यांनी विद्यार्थ्यांना मार्गदर्शन केले.विद्यार्थ्यांनी अशा उपक्रमांमध्ये सहभागी होऊन अनुभव घेणे आवश्यक आहे.”विद्यार्थ्यांनी या भेटीतून औषधी वनस्पतींचे प्रत्यक्ष ज्ञान तसेच सामाजिक सेवेमध्ये सहभाग घेण्याची संधी मिळवली. संस्थेच्या वतीने भविष्यातही अशा समाजोपयोगी आणि शैक्षणिक उपक्रमांचे आयोजन करण्यात येणार आहे.