…….राज्याच्या दृष्टीने अभिमानाची गोष्ट:-आमदार शरद सोनवणे

जुन्नर दि.२८:- शिवांजली साहित्य परीवाराच्या वतीने नाणेघाटातील मराठी भाषा आद्यशिला लेखाचे गेल्या बावीस वर्षांपासून पुजन करत आहात ही राज्याच्या द्रुष्टीने अभिमानाची गोष्ट आहे मराठी भाषेचा दर्जा अधिक उंचावण्यासाठी राज्यात मराठीभाषा दिन साजरा करणे गरजेचे असल्याचे प्रतिपादन जुन्नरचे आमदार शरद सोनवणे यांनी केले. त्यांनी यावेळी मराठी भाषेला अभिजात भाषेचा दर्जा दिल्याबद्दल राज्य व केंद्रसरकारचे आभार मानले.शिवांजली साहित्यपीठ महाराष्ट्र साहित्य परिषद व अखिल भारतीय मराठी बालकुमार साहित्य संस्था चाळकवाडी शाखा यांच्यावतीने चाळकवाडी (ता जुन्नर) येथे मराठी भाषा दिनानिमित्त चार दिवसीय बत्तीसावा राज्यस्तरीय शिवांजली मराठी साहित्य मोहत्सव आयोजित करण्यात आला असून त्याप्रसंगी ते बोलत होते.

या महोत्सवाचा प्रारंभ चाळकवाडी ते नाणेघाट व नाणेघाट ते चाळकवाडी या मराठीभाषा दिंडीने करण्यात आला. या मराठीभाषा दिंडीचा शुभारंभ जुन्नरचे आमदार शरद सोनवणे यांच्या शुभहस्ते व जागतिक सर्पदंश तज्ञ डाॅ सदानंद राऊत निगडी येथील डाॅ डी वाय पाटील महाविद्यालयाचे मराठी विभाग प्रमुख प्रा.बी बी देशमुख शिवांजली साहित्यपीठाचे संस्थापक शिवाजीराव चाळक अशोक सोनवणे पिराजी टाकळकर कोंडीभाऊ वामन विघ्नहरचे कार्यलक्षी संचालक बाळक्रुष्ण चाळक माजी उपसरपंच भाऊसाहेब सोनवणे डाॅ दिपक वायकर तुकाराम येंधे बाळासाहेब ताजवे अजित पायमोडे दत्तामहाराज वाघ नंदकुमार पाडेकर यांच्या उपस्थीतीमध्ये संपन्न झाला.यावेळी नाणेघाट येथील मराठी भाषेच्या आद्यशिलालेखाचे पूजन. पुणे विद्यापीठाचे सेवानिव्रुत्त मराठी विभागप्रमुख प्रा.डाॅ अविनाश सांगोलेकर यांच्या शुभहस्ते व नागपूर येथील प्रसिद्ध कवी राजेश वैरागडे प्रकाश कांबळे सुनिल जाधव संदीप वाघुले बाबासाहेब जाधव सामाजिक कार्यकर्ते दत्ता टाकळकर शाहीर सीताराम शिंदे विघ्नहर संचालक बाळक्रुष्ण चाळक रवी काशीद दत्ता टाकळकर निव्रुत्ती कोरडे प्रकाश चाळक विश्वजीत चाळक संजय वाघ सरिता कलढोणे सामाजिक कार्यकर्त्या उज्वला शेवाळे माजी नगरसेविका वैष्णवी चतुर मनिषा जाधव जुन्नर नगरपरीषदेचे नगरसेवक भाऊ कुंभार काशिनाथ देवकर कविता छाजेड गितांजली चाळक स्मिता काशीद निता चाळक व शिवांजली शैक्षणिक संकुलाचे सर्व शिक्षकव्रुंद यांच्या उपस्थीतीमध्ये संपन्न झाला त्यानंतर बाबासाहेब जाधव व संदीप वाघुले यांनी कवी शिवाजीराव चाळक यांच्या मराठी भाषेचे मूळ असलेल्या नाणेघाटामधील आद्यशिलालेखावर आधारीत असलेल्या कवीतेचे गायन केले त्यानंतर कवितांचा जागर करत उपस्थित कविंनी आपल्या कविता सादर केल्या.

चौकट – [साहित्यिकांनी केली परिसराची स्वच्छता मराठी भाषा दिंडीचे नाणेघाट येथे आगमन झाल्यानंतर या मराठी भाषा दिंडीमधील सर्व उपस्थित साहित्यिक व कवींनी नाणेघाट परिसरात पडलेल्या प्लॅटीकच्या बाटल्या व कचरा जमा करत स्वच्छता केली यानिमित्ताने हा एक आगळावेगळा उपक्रम राबविण्यात आला.]