अवैध दारू विक्रेत्यांचे धाबे दणाणले; अवैध दारू विक्रेत्यांवर होणार कारवाई:- उत्पादन शुल्क मंत्री शंभूराज देसाई

1 min read

मुंबई दि.१२:- राज्यात कुठे ना कुठे अवैध मद्यनिर्मिती आणि बेकायदेशीर विक्री करताना कारवाई झाल्याचं आपण पाहत असतो. ही कारवाई राज्य उत्पादन शुल्क विभागाकडून अवैध मद्यनिर्मिती व बेकायदेशीर विक्री रोखण्यासाठी करण्यात येते. मिळालेल्या माहीतीनुसार, अवैध मद्याची वाहतूक रोखण्यासाठी गृह व उत्पादन शुल्क विभागाच्या संयुक्त कारवाईचा आढावा दर 3 महिन्याला घेणार असून संयुक्त कारवाई वाढवण्याच्या सूचना उत्पादन शुल्क मंत्री शंभूराज देसाई यांनी दिल्या आहेत.

मंत्रालयात मंत्री शंभूराज देसाई यांच्या अध्यक्षतेखालील बैठकीत अवैध मद्य विक्रीवरील कारवाई व उपाययोजना याबाबत आढावा घेण्यात आला. “अवैध मद्य विक्री करणाऱ्या सराईत गुन्हेगारांविरुध्द हद्दपारी, एमपीडीए कायद्यांतर्गत सक्त कारवाई करण्यात यावी”, असं मंत्री शंभूराज देसाई यांनी म्हटलं आहे. अधिक माहीती देताना त्यांनी सर्व बाबी तपासून बनावट मद्यनिर्मिती आणि अवैध दारूविक्री यावर आळा घालण्यासाठी आधुनिक तंत्रज्ञानाचा वापर करून ट्रॅकिंग आणि ट्रेसिंग यंत्रणा आगामी काळात विभागामार्फत राबविण्यात येणार असल्याचं म्हटलं आहे.

ज्या ठिकाणी अवैध मद्यनिर्मिती होत असेल तेथील अधिकाऱ्यास याबाबत जबाबदार धरण्याबरोबरच कायद्याचा जरब बसविणारी कारवाई करण्याचे निर्देश मंत्री मंत्री शंभूराज देसाई यांनी दिले आहेत. यामुळे आता अवैध मद्यनिर्मिती व बेकायदेशीर मद्यविक्री करणाऱ्यांवर कारवाई अधिक वेगाने होणार आहे.

बातमी शेअर करण्यासाठी येथे क्लिक करा
बातमी कॉपी करणे कायद्याने गुन्हा आहे