आजी-आजोबा नातवाच्या शाळेत खेळण्यात दंग; मॉडर्न मध्ये ‘एक दिवस आनंदाचा नातवंडांच्या शाळेतला’ उपक्रम
1 min read
बेल्हे दि.३:- मॉडर्न इंग्लिश स्कूल अँड ज्युनियर कॉलेजच्या पूर्व प्राथमिक विभागात ‘एक दिवस नातवंडांच्या शाळेत’ या उपक्रमांतर्गत आजी- आजोबा दिवस मोठ्या उत्साहात साजरा करण्यात आला. उपस्थित सर्व आजी-आजोबांचे स्वागत हे नातवंडांच्या हस्ते गुलाब पुष्प देऊन करण्यात आले. 
या वेळी प्रसिद्ध निवेदक उत्तम घोलप यांनी सर्व आजी-आजोबांसाठी वेगवेगळ्या खेळांचे आयोजन केले. मुलात मूल होऊन सर्व आजी आजोबांनी या खेळांचा मनमुराद आनंद लुटला. आपले वय, आजारपण, सर्व जबाबदारी विसरून सर्व आजी-आजोबा खेळ खेळण्यात दंग झाले.
नातवंडांच्या बालपणात आपल्या मुलांचे बालपण शोधणारे आजी आजोबा या वेळी स्वतःच बालपणात रमले. आमच्या मुलांना शिक्षणासोबतच संस्कार देणारी शाळा म्हणजे मॉडर्न इंग्लिश स्कूल व आई-बाबांसोबत आजी आजोबा ही शाळेचा एक घटक मानल्याबद्दल आशालता पानसरे यांनी आजींनी शाळेचे आभार मानले. 
खरंतर आई-वडिलांपेक्षाही जास्त वेळ सोबत असणाऱ्या आजी-आजोबा व नातवंड या नात्याचे महत्व या कार्यक्रमाच्या माध्यमातून समोर आले तसेच आमचे बालपण पुन्हा एकदा आम्हालाअनुभवायला मिळाले याबद्दल जिजाबा गुंजाळ या आजोबांनी सर्व शिक्षक व प्राचार्य यांचे आभार मानले. 
या वेळी प्राचार्या विद्या गाडगे, विश्वस्त दावला कणसे, शिक्षक विद्यार्थी, आजी- आजोबा उपस्थित होते. उपस्थित सर्व आजी आजोबांचे आभार संस्थेचे संस्थापक अध्यक्ष सीए सावकार गुंजाळ, अध्यक्ष गोपीनाथ शिंदे, सीईओ शैलेश ढवळे तसेच सर्व संचालक मंडळाने मानले.
