पराभवाने खचून न जाता नव्या उमेदीने तालुक्यातील जनतेची सेवा करणार:- माजी आमदार अतुल बेनके 

नारायणगाव दि.२८:- येथे स्वर्गीय वल्लभ बेनके यांचे निवासस्थानी राष्ट्रवादी काँग्रेस पक्ष आढावा बैठक आज नुकतीच संपन्न झाली. पराभवाने खचून न जाता नव्या उमेदीने तालुक्यातील जनतेची सेवा करणार तसेच श्री विघ्नहर सहकारी साखर कारखाना निवडणूक लढवणार असल्याचे माजी आमदार अतुल बेनके यांनी बोलताना कार्यकर्त्यांना सांगितले.

त्याच बरोबर बोलताना अतुल बेनके म्हणाले की, महायुती सरकार सत्तेत आल्याचा आनंद असून राष्ट्रवादी काँग्रेस पक्षाचे राष्ट्रीय अध्यक्ष अजित पवार हे उपमुख्यमंत्री व पुणे जिल्ह्याचे पालकमंत्री होणार याचा फायदा जुन्नर तालुक्याला नक्कीच होणार असून मी सुरू केलेले प्रकल्प मोठ्या ताकतीने पूर्ण करणार आहे.

जुन्नर तालुक्यातील सर्व निवडणुका राष्ट्रवादी काँग्रेस पक्ष स्वबळावर लढणार (स्थानिक स्वराज्य संस्था, सहकारी संस्था) तसेच राष्ट्रवादी काँग्रेस पक्षाच्या सर्व कार्यकर्त्यांना वाऱ्यावर सोडणार नाही सर्व ताकतीनिशी त्यांच्या पाठीशी उभा राहणार आहे.

जुन्नर शहरात स्वतंत्र कार्यालय स्थापन करून जुन्नर शहरात विविध कामांसाठी आदिवासी भाग व तालुक्यातील कानाकोपऱ्यातून येणाऱ्या लोकांना मदत व मार्गदर्शन करणार आहे. पक्ष संघटनेत मोठे फेरबदल करणार असून बुथ रचना मजबूत करणार आहे.तसेच सर्वसामान्य जनतेशी थेट संपर्क साधणार आहे.

स्थानिक स्वराज्य संस्था मोठ्या ताकदीने लढवणार व स्वतंत्रपणे स्वबळावर लढवणार आहे. या बैठकीला तालुकाध्यक्ष पांडुरंग पवार, बाजार समितीचे सभापती संजय काळे, गणपत फुलवडे, प्रकाश ताजणे, बाळासाहेब खिलारी, फिरोजभाई पठाण, जुन्नर शहर अध्यक्ष पापा खोत,

तान्हाजी तांबे, विशाल तांबे, रामदास अभंग, मारुती वायाळ, काळू शेळकांदे, गणपत कवडे, युवक तालुकाध्यक्ष अतुल भांबेरे, गोविंद बोरचटे, जिल्हा उपाध्यक्ष उज्वला शेवाळे, तालुका महिला अध्यक्ष सुप्रिया लेंडे, तालुका युवती अध्यक्ष अक्षदा मांडे,

दिव्यांग सेल अध्यक्ष पुष्पा गोसावी, वैष्णवी चतुर यांसह पक्षाचे विविध सेलचे पदाधिकारी आणि कार्यकर्ते उपस्थित होते. भविष्यकाळात अजित पवार हे अतुल बेनके यांना मोठी जबाबदारी देणार आल्याची चर्चा आहे.