उमंग प्रश्नमंजुषा स्पर्धेत जिल्हा परिषद प्राथमिक शाळा बेल्हे नं-१ शाळेचे यश

बेल्हे दि.१५:- जिल्हा परिषद प्राथमिक शाळा बेल्हे नं-१ शाळेत द हंस फाऊंडेशन, शिक्षणा फाउंडेशन आणि पंचायत समिती जुन्नर यांच्या संयुक्त विद्यमाने ‘ उमंग प्रश्नमंजुषा – २०२४ ‘ ही स्पर्धा पार पडली. प्रशमंजुषा स्पर्धेचे आयोजन संस्थेचे मेंटोर स्वाती शेलार, आदेश जगताप, सौरभ दिघे, महेश नायकोडी आणि रामदास दाभाडे यांनी केले होते.साधारणपणे २००३ पासून ही संस्था सामाजिक क्षेत्रात काम करत आहेत. जुन्नर तालुक्यात २०२३ पासून संस्थेने सर्व जिल्हा परिषद प्राथमिक शाळांवर काम चालू केले आहे. या अगोदर संस्था पुणे जिल्ह्यातील दौंड, खेड आणि आंबेगाव तालुक्यात काम करत आहे. जिल्हा परिषद शाळांच्या मदतीने मुलांच्या गुणवत्तेत हातभार लावण्यासाठी संस्था शैक्षणिक क्षेत्रात काम करत आहेत. त्या अंतर्गत संस्थेने शाळांमध्ये सहाध्यायी गट तसेच प्रेरणा मंच बनविले. विद्यार्थ्याना प्रेरणा (हजेरी, स्वच्छता, अभ्यास, शालेय स्पर्धा) मिळावी म्हणून स्टार नावाची संकल्पना राबविली. विद्यार्थ्यांना परिपाठमध्ये हे हिरवा, चंदेरी आणि गुलाबी रंगाचे स्टार शिक्षकांच्या हस्ते वाटप केले जातात. त्याचबरोबर विद्यार्थ्याना FLN वर आधारित पूरक पुस्तिका वाटप केल्या आहेत. त्या अनुषंगाने आज बेल्हे केंद्रातील सर्व शाळांचे गटस्तरीय प्राथमिक स्पर्धेचे आयोजन केले होते. स्क्रीन वर मुलांना प्रश्न दाखविण्यात आले. त्यानुसार शुभारंभ फेरी, विजेती फेरी अशा अनेक फेऱ्या यामध्ये होत्या. मुलांना बेल वाजवून प्रश्न उत्तरे यावेळी घेण्यात आली. मुलांनी या स्पर्धेचा आनंद घेतला. ह्या स्पर्धेसाठी केंद्रातील शाळा सहभागी झाल्या होत्या.संस्थेकडून मुलांना गोड पदार्थही देण्यात आला.द्वितीय सत्रात बेल्हे शाळेतील विद्यार्थ्यांचा प्रथम क्रमांक आल्याबद्दल शाळेच्या मुख्याध्यापिका मीरा बेलकर, जानकु डावखर, संतोष पाबळे यांनी मार्गदर्शक शिक्षक कविता सहाणे, संतोष डुकरे, प्रविणा नाईकवाडी व सहभागी विद्यार्थांचे कौतुक करत तालुका स्तरीय स्पर्धेसाठी शुभेच्छा दिल्या.याप्रसंगी केंद्रातील पाटीलबुवा खामकर, निलेश बांगर,गणेश बिडवई , कल्पना बांगर, सुनीता औटी, सुनील शिंदे, शाळेतील शिक्षक हरिदास घोडे, सुवर्णा गाढवे, सुषमा गाडेकर, योगिता जाधव, अंजना चौरे, इ शिक्षक उपस्थित होते. निवृत्ती हाडवळे यांनी या स्पर्धेचे आयोजन केलेबद्दल संस्थेचे आभार मानले.