भारतातील पहिली वंदे भारत स्लीपर ट्रेन सेवा सुरू

नवी दिल्ली दि.३:- नवं वर्षाच्या प्रारंभी केंद्र सरकारने भारतातील पहिली वंदे भारत स्लीपर ट्रेन सेवा सुरू केली आहे.या वंदे भारत स्लीपर ट्रेन रात्रीच्या प्रवासासाठी आरामदायी, सुरक्षित आणि उच्च-गुणवत्तेचा प्रवासाचा अनुभव देईल. वंदे भारत स्लीपर ट्रेनचे वेळापत्रक अशा प्रकारे आखले जाईल की ती संध्याकाळी आपल्या मूळ स्थानकावरून सुटेल आणि दुसऱ्या दिवशी सकाळी लवकर आपल्या गंतव्यस्थानी पोहोचेल.वंदे भारत स्लीपर ट्रेनमधील प्रवासी त्यांच्या प्रवासादरम्यान प्रादेशिक खाद्यपदार्थांचा आस्वाद घेऊ शकतील. गुवाहाटीहून सुटणाऱ्या ट्रेनमध्ये अस्सल आसामी पदार्थ मिळतील, तर कोलकाताहून सुरू होणाऱ्या ट्रेनमध्ये पारंपरिक बंगाली पदार्थांची चव घेता येईल, ज्यामुळे प्रवाशांना ट्रेनमध्येच एक आनंददायक आणि सांस्कृतिकदृष्ट्या समृद्ध जेवणाचा अनुभव मिळेल.वंदे भारत स्लीपर ट्रेनची वैशिष्ट्ये: १८० किमी प्रतितास वेगापर्यंत डिझाइन केलेली सेमी-हाय-स्पीड ट्रेन सुधारित कुशनिंगसह एर्गोनॉमिकली डिझाइन केलेले बर्थसुगम हालचालीसाठी वेस्टिब्यूलसह स्वयंचलित दरवाजे उत्कृष्ट सस्पेंशन आणि आवाज कमी करण्याच्या तंत्रज्ञानामुळे प्रवासातील आराम वाढवला आहे कवच प्रणालीने सुसज्ज उच्च स्वच्छता राखण्यासाठी आधुनिक तंत्रज्ञान प्रगत नियंत्रणे आणि सुरक्षा प्रणालीसह ड्रायव्हर केबिनएरोडायनॅमिक बाह्य स्वरूप आणि स्वयंचलित बाह्य प्रवासी दरवाजे दिव्यांगजनांसाठी विशेष व्यवस्था आणीबाणीच्या परिस्थितीत प्रवासी आणि ट्रेन व्यवस्थापक/लोको पायलट यांच्यात संवादासाठी आपत्कालीन टॉक-बॅक युनिट सर्व डब्यांमध्ये सीसीटीव्ही कॅमेरे सुधारित अग्निसुरक्षा: इलेक्ट्रिकल कॅबिनेट आणि शौचालयांमध्ये एरोसोल-आधारित आग शोध आणि दमन प्रणाली