लिपिक वर्गीय कर्मचाऱ्यांसाठी सेवा विभागीय परीक्षेचे नियोजन

अहिल्यानगर दि.१:- लेखा व कोषागारे, मुंबई यांच्या वतीने लेखाविषयक कामकाज करणाऱ्या लिपिक वर्गीय गट-क कर्मचाऱ्यांसाठी ११ वी महाराष्ट्र लेखा व स्थानिक निधी लेखा गट-क सेवा विभागीय परीक्षा (भाग–१ व २)– २०२५ ही परीक्षा डिसेंबर २०२५ मध्ये आयोजित करण्यात येणार आहे.नाशिक विभागातील वित्त विभाग तसेच इतर विभागांमध्ये लेखाविषयक काम करणाऱ्या इच्छुक कर्मचाऱ्यांनी आपल्या विहित नमुन्यातील अर्ज ५ डिसेंबर २०२५ पर्यंत संबंधित कार्यालय प्रमुखांकडे सादर करावेत,असे आवाहन सहसंचालक, लेखा व कोषागारे बाबुलाल पाटील यांनी केले आहे.नाशिक विभागातील नाशिक, धुळे, जळगाव, अहिल्यानगर आणि नंदुरबार जिल्ह्यांतील वित्त विभागांसह इतर विभागांमध्ये लेखाविषयक कार्य करणारे वर्ग-३ कर्मचारी या परीक्षेसाठी पात्र आहेत. इच्छुक कर्मचाऱ्यांनी नमूद मुदतीत अर्ज भरून कार्यालय प्रमुखांकडे जमा करावेत.कार्यालय प्रमुखांनी प्राप्त अर्जांची आवश्यक छाननी करून ते १२ डिसेंबर २०२५ पर्यंत सहसंचालक, लेखा व कोषागारे, नाशिक विभाग, नाशिक यांच्याकडे कार्यालयीन वेळेत सादर करावेत, असेही निर्देश देण्यात आले आहेत.परीक्षेसंबंधीचे तपशीलवार परिपत्रक महाकोष संकेतस्थळावर उपलब्ध असून, कर्मचाऱ्यांनी ते पाहावे, असे आवाहन करण्यात आले आहे.