नारायणगाव पोलिसांनी ६ लाखांचे चोरीस गेलेले मोबाईल पकडले

नारायणगाव दि.१९:- जुन्नर तालुक्यातीन नारायणगाव पोलीस स्टेशन हद्दीतून जानेवारी २०२४ ते मार्च २०२५ या कालावधीत हरविलेले मोबाईल फोन यांचा तांत्रिक पद्धतीने पोलिसांनी शोध घेवुन ६,०६,०००/ -किंमतीचे विविध कंपण्याचे एकुन २६ मोबाईल फोंन हस्तगत केले. संबंधीत मोबाईलचे मालकांना देण्यात येत आले. या कामी पोलीस अधीक्षक पंकज देशमुख अप्पर पोलीस अधीक्षक रमेश चोपडे, उपविभागीय पोलीस अधिकारी, जुन्नर रविंद्र चौधर यांनी नारायणगांव पोलीस स्टेशनचे प्रभारी अधिकारी सहा.

पोलीस निरीक्षक महादेव शेलार, यांना सदर मोबाईलचा त्वरित शेाध घेणे कामी योग्य त्या सुचना दिल्या त्यानुसार सायबर शाखा, पुणे ग्रामीण तसेच पोलीस उपनिरीक्षक जगदेव पाटील , पोलीस हवालदार संतोष कोकणे यांचे मदतीने नारायणगांव पोलीस स्टेशनचे पोलीस अंमलदार सोमनाथ डोके सत्यम कळकर, सुभाष थोरात, टिलेश जाधव यांनी तांत्रिक विश्लषणाचे आधारे शोध घेवुन झारखंड, पुणे, नाशिक, सोलापुर, संगमनेर, चाकण, तसेच केरळ अशा विविध ठिकाणी संपर्क करून ६,०६,०००/- किंमतीचे एकुन २६ मोबाईल यांचा शोध घेवुन हस्तगत केले आहेत.अशी माहिती नारायणगाव पोलीस स्टेशन चे सहाय्यक पोलीस निरीक्षक महादेव शेलार यांनी दिली.