माजी मंत्री तानाजी सावंत यांचा मुलगा सुखरूप परतला; पुणे पोलिसांची माहिती

पुणे दि.११:- माजी आरोग्यमंत्री तानाजी सावंत यांचा मुलगा अचानक बेपत्ता झाल्याची माहिती समोर आल्यानंतर एकच खळबळ उडाली होती. पुणे पोलिसांच्या कंट्रोल रुमला तानाजी सावंत यांचा मुलगा ऋषिराज सावंत याला घेऊन दोन जण पुणे विमानतळावरुन फ्लाईटने गेल्याची माहिती देणारा फोन कंट्रोल रुमला आला. यानंतर पोलीस यंत्रणा सज्ज झाली. आता या प्रकरणाबाबत पुणे पोलिसांनी मोठी अपडेट दिली आहे. तानाजी सावंत यांचा मुलगा आणि त्याचे दोन्ही मित्र हे परत पुणे विमानतळावर आले आहेत. ते सुखरुप आहेत, अशी माहिती पुणे पोलीस उपायुक्त रंजन कुमार शर्मा यांनी दिली. रंजन कुमार शर्मा आणि तानाजी सावंत यांनी पुन्हा पत्रकार परिषद घेत याबाबत माहिती दिली.

आज संध्याकाळी चार वाजेच्या सुमारास पुणे पोलीस कंट्रोल रुमला फोन आला की, माजी मंत्री तानाजी सावंत यांचा मुलगा ऋषिराज सावंत यांना कुणी अज्ञात व्यक्ती सोबत घेऊन गेला आहे. त्यानंतर लगेच सर्व यंत्रणा सक्रिय झाल्या. सर्व माहिती घेतल्यानंतर त्यांनी एक चार्टड फ्लाईट घेतली होती. ती फ्लाईट बँकॉकच्या दिशेला रवाना झाली होती. या फ्लाईटची ट्रॅकिंग आणि इतर गोष्टी करुन ही फ्लाईट आता पुण्यात लँड झाली आहे. फ्लाईटमधील तीनही पॅसेंजर सुखरुप आहेत. ते कोणत्या कारणासाठी चालले होते याबद्दल विचारपूस सुरु आहे. विचारपूस केल्यानंतर ते काय उद्देशाने बँकॉक जात होते. घरी का सांगितलं नव्हतं, ती माहिती समोर येईल. या प्रकरणात अपहरणाचा गुन्हा दाखल केला आहे. चौकशीत काय क्लिअर होतो त्यातून पुढचा तपास ठरवला जाईल”, अशी प्रतिक्रिया पोलीस उपायुक्त रंजन कुमार शर्मा यांनी दिली.घरघुती वाद असं काहीच नाही. मुलगा 30 ते 32 वर्षांचा झाला आहे. आमच्यात कधीही वाद झाला नाही. आम्ही सगळे सांप्रदाय पंथातील आहोत. रात्री व्यवस्थित गप्पा मारल्या, त्याने पहाटे साडेतीन वाजता रुद्रा अभिषेक केला. माझी पूजा चालू होती. तो पटकन नेहमी सारखं कॅम्पसला निघून गेला. म्हणून मी मगाशी बोलताना सांगितलं की कीडनॅपिंग नाही तर मित्रांसोबत गेला आहे. पण न सांगता अचानक गेल्यामुळे अस्वस्थ झालो होतो, अशी प्रतिक्रिया तानाजी सावंत यांनी दिली. आता त्याच्यासोबत भेटल्यानंतर न सांगता टूर ठरली का? ते विचारावं लागेल. कारण आठ दिवसांपूर्वीच तो दुबईला जाऊन आला होता. त्यामुळे अचानक परत लगेच टुर ठरवल्याने पप्पा रागवतील का यामुळे सांगितलं नाही का? ते आता चर्चा केल्यानंतर समजेल. दुसरी गाडी घेऊन गेला आणि ड्रायव्हर परत आला त्यामुळे तो गेल्याचं समजलं, असं तानाजी सावंत म्हणाले.