कडा कारखान्यातील इंजिन चोरून विक्रीसाठी नेताना आष्टीच्या दोघांवर मंचर पोलिसांनी केला गुन्हा दाखल; एक पसार

मंचर दि.१०:- जळगाव (जि. बीड) येथील बंद पडलेल्या कडा सहकारी साखर कारखान्याजवळून चोरी केलेले किर्लोस्कर कंपनीचे इंजिन विक्रीसाठी घेऊन जाणाऱ्या दोघांवर मंचर पोलिसांनी गुन्हा दाखल केला.

त्यांच्याकडून पोलिसांनी साडेचार लाखांचा मुद्देमाल जप्त केला असून मंचर पोलिसांची कारवाई करत ऐकायला अटक केली असून यापैकी एक जण अंधाराचा फायदा घेत पळून गेला,तर दुसऱ्यास ताब्यात घेण्यात आले.

या कारवाईत पोलिसांनी इंजिन, वाहन असा एकूण ४ लाख ४५ हजार रुपयांचा मुद्देमाल जप्त केला. मंचर (ता. आंबेगाव) येथे ही कारवाई करण्यात आली. रवींद्र माणिक पोमण (वय २४) व वैभव पांडुरंग कुलवडे (दोघेही रा. जळगाव, ता. आष्टी, जि. बीड) अशी गुन्हा दाखल करण्यात आलेल्यांची नावे आहेत.

याप्रकरणी पोलिस शिपाई संदीप रावते यांनी मंचर पोलिस ठाण्यात ( फिर्याद दाखल केली आहे.मंचर ठाण्याचे सहायक पोलिस निरीक्षक बालाजी कांबळे, पोलिस हवालदार नंदकुमार आढारी, पोलिस शिपाई संदीप रावते, कुलवडे हे तांबडेमळा हद्दीत गस्त घालत होते.

या वेळी येथील हॉटेल धनगरवाडा येथे पुणे-नाशिक महामार्गालगत दोन जण छोट्या टेम्पोतून (एम एच २३ ए यु ३३१२) साहित्य घेऊन जाताना दिसले. त्यांना पोलिसांनी थांबण्याचा इशारा केला. मात्र, टेम्पो वेगाने पुढे गेला.

त्यावर पोलिसांनी पाठलाग करून टेम्पोला अडवले. या वेळी टेम्पोतील वैभव कुलवडे हा पळून गेला, तर रवींद्र पोमण याला ताब्यात घेण्यात आले.