मुलगी प्रियकरासोबत पसार, आईबापांनी घातलं मुलीचं श्राद्ध,बॅनर लावला गावजेवण ही घातल

बेळगाव दि.१३:- कर्नाटकातील बेळगाव जिल्ह्यातील एका गावात घडलेली एक विचित्र आणि धक्कादायक घटना सध्या संपूर्ण परिसरात चर्चेचा विषय ठरली आहे. घरच्यांच्या इच्छेविरुद्ध जाऊन एका तरुणीने तिच्या प्रियकरासोबत पळून जाऊन लग्न केल्याने तिच्या आई-वडिलांनी टोकाचा निर्णय घेतला.मुलगी तिच्या प्रियकरासोबत पळून गेल्यानंतर तिच्या आई-वडिलांनी श्राद्ध घातलं, नातेवाईकांना घरी बोलावून पंगतीही वाढल्याची धक्कादायक घटना घडली.बेळगाव जिल्ह्यातील रायबाग तालुक्यातील एका गावात 19 वर्षीय तरुणीचे 29 वर्षीय तरुणावर प्रेम होतं. घरच्यांच्या इच्छेविरुद्ध जाऊन ती मुलगी प्रियकरासोबत पळून गेली. त्यानंतर दुःखी झालेल्या आई-वडिलांनी मात्र टोकाचं पाऊल उचललं.मुलगी तिच्या प्रियकरासोबत पळून गेल्यामुळे आपण केलेल्या संस्काराला धक्का बसल्याचं मत आई-वडिलांचे बनले. त्यानंतर आमची मुलगी मेली असं सांगत कुटुंबीयांनी त्या मुलीचे फोटो पूजन केलं आणि श्राद्ध घातलं.याशिवाय मुलीच्या फोटोसमोर मृत व्यक्तीला नैवेद्य ठेवतात त्याप्रमाणे नैवेद्य ठेवला.या कार्यक्रमासाठी त्यांनी नातेवाईक आणि जवळच्या लोकांना आमंत्रित केलं. यावेळी रुचकर जेवणाच्या पंगतीही उठल्या.मुलगी पळून गेल्यानंतर कुटुंबीयांनी आधी पोलिसात तक्रार दिली.पण मुलगी प्रौढ होती आणि ती तिच्या इच्छेने प्रियकरासोबत गेली. यामुळे कुटुंबीयांना धक्का बसला.