पुण्यातील कोयता गँगच्या बीडमध्ये पोलीसांनी आवळल्या मुसक्या; कोयता गँगची पाळंमुळं पोलीस खणून काढणार

बीड दि.२५:- पुण्याच्या रांजणगाव मध्ये धुमाकूळ घालणारी कोयता गँग अखेर केज पोलिसांनी पकडली आहे. मोटरसायकल सोडून शेतामध्ये पळून जाणाऱ्या हल्लेखोरांची सिनेस्टाईल पाठलाग करत पोलिसांनी धरपकड केली. बीडच्या केज तालुक्यातील मस्साजोग परिसरातून सात जणांना ताब्यात घेण्यात आले आहे. आज मंगळवारी पुणे पोलीस आरोपींना ताब्यात घेणार आहेत. पुण्याच्या एका युवकावर २३ मार्च रोजी कोयता गॅंगने हल्ला केला होता.मिळालेल्या माहितीनुसार, पुणे जिल्ह्यातील रांजणगाव एमआयडीसी पोलीस ठाण्याच्या हद्दीत एका युवकावर कोयत्याने जीवघेणा हल्ला करून. पळून जाणाऱ्या कोयता गॅंगला बीडच्या केज पोलिसांनी मस्साजोग येथे सिनेस्टाईल पाठलाग करत ताब्यात घेतले. आता पुणे पोलीस या सात जणांना या गुन्ह्याच्या तपासात अटक करणार आहेत. त्यांच्यावर यापूर्वी गंभीर गुन्हे दाखल आहेत. पुणे पोलीस या टोळीच्या शोधात होते. ही टोळी केज परिसरात दाखल झाल्याचे समजताच पुणे पोलिसांनी केज येथे संपर्क साधत पोलीस निरीक्षक वैभव पाटील यांना माहिती दिली होती.त्यानुसार मस्साजोग येथील पेट्रोल पंपाजवळ पोलिसांनी सापळा लावला होता. सायंकाळच्या सुमारास तीन मोटरसायकलवर सात जण येत. असल्याचे दिसले पोलिसांनी त्यांना थांबवण्याचा प्रयत्न करतात ते मोटरसायकल सोडून शेतात पळून जाऊ लागले. त्यानंतर पोलिसांनी त्यांचा पाठलाग करत त्यांना ताब्यात घेतले. आता या सर्व आरोपींना पुणे पोलीस ताब्यात घेणार असून त्यांच्यावर दाखल गुन्ह्यांची चौकशी केली जाणार आहे. पुण्यात अनेक गंभीर घटना घडवून आणणाऱ्या कोयता गॅंगमुळे नागरिकांमध्ये भीतीचे वातावरण आहे. २३ मार्च रोजी या टोळीने एका युवकावर कोयत्याने हल्ला करत त्याला गंभीर जखमी केले होते. फरार असलेल्या या कोयता गॅंगला अटक झाली आहे. या टोळीच्या काही सदस्यांना पकडल्याने या टोळीची पाळंमूळं खणून काढण्यात पोलिसांना मदत होणार आहे.