आचारसंहितेचे पालन करा, अन्यथा कारवाई:- पोलीस निरीक्षक दिनेश तायडे

आळेफाटा दि.२३:- जुन्नर विधानसभा सार्वत्रिक निवडणूक २०२४ अनुषंगाने मंगळवार, दि.१५ पासून ते सोमवार दि.२५ नोव्हेंबरपर्यंत आदर्श आचारसंहिता अंमलात आली आहे. या दरम्यान आचारसंहितेचे पालन करावे. अन्यथा कायदेशीर कारवाई करावी लागेल, असा इशारा आळेफाटा पोलीस ठाण्याचे पोलीस निरीक्षक दिनेश तायडे यांनी दिला आहे.कोणीही नागरिक सोशल मीडियाद्वारे फेसबुक, इंस्टाग्राम, व्हाट्सअप ग्रुप व इतर तत्सम अॅप्लीकेशन माध्यमाद्वारे कोणत्याही व्यक्तीच्या, वंशाच्या, समाजाच्या,जातीच्या, व धर्माच्या वर्णाच्या भावना दुखावतील, अशा स्वरूपाच्या पोस्ट, कॉमेंट्स, स्टोरी, स्टेटस, डिजिटल बॅनर, असे प्रकार माध्यमाद्वारे करू नयेत. तसेच कोणाच्याही विरोधात घोषणाबाजी करू नये, डीजे वाजवणार नाहीत, फटाके फोडणार नाही, रंग, गुलाल उधळणार नाहीत. संबंधित विभागाच्या पूर्वपरवानगीशिवाय कोणतेही राजकीय कार्यक्रम करू नयेत. व्हाट्सअप ग्रुपचे अॅडमिन यांनी मंगळवार, दि. १५ ते सोमवार दि. २५ नोव्हेंबर या कालावधीमध्ये त्यांच्या ग्रुपच्या सेटिंगमध्ये ओन्ली अॅडमिन यांनी बदल करून घ्यावा. जेणेकरून ग्रुपमधील कोणताही सदस्य वादग्रस्त पोस्ट ग्रुपवर टाकणार नाहीत, जर अॅडमिन यांनी सेटिंगमध्ये बदल केला नाही व कोणी सदस्याने वादग्रस्त पोस्ट टाकल्याने काही कायदा व सुव्यवस्थेचा प्रश्न निर्माण झाल्यास. पोस्ट करणाऱ्या सदस्यासह ग्रुप अॅडमिनला जबाबदार धरून योग्य ती कायदेशीर कारवाई करण्यात येईल, असा इशारा आळेफाटा पोलीस ठाण्याचे पोलीस निरीक्षक दिनेश तायडे यांनी दिला आहे.